മാലിക്കിലെ ഫഹദ് ഫാസിലിനൊരു അപരൻ; ശ്രദ്ധേയമായി ചിത്രം
സിനിമാതാരങ്ങളുടെ സാദൃശ്യം കൊണ്ട് ഒട്ടേറെപ്പേർ സമൂഹമാധ്യമങ്ങളിൽ ശ്രദ്ധ നേടാറുണ്ട്. അത്തരത്തിൽ ഫഹദ് ഫാസിലിന്റെ രൂപ സാദൃശ്യവുമായി ശ്രദ്ധേയനായ വ്യക്തിയാണ് അക്കി ബക്കർ. ഫഹദ് ഫാസിലിന്റെ നിരവധി കഥാപാത്രങ്ങളെ അക്കി ബക്കർ ടിക് ടോക്കിലൂടെയും ഇൻസ്റ്റഗ്രാം റീൽസിലൂടെയും അവതരിപ്പിച്ചിട്ടുണ്ട്. ഇപ്പോഴിതാ, ഫഹദിന്റെ ഏറ്റവും പുതിയ ചിത്രമായ ‘മാലിക്കി’ലെ ഫഹദിന്റെ ലുക്കിനെ പുനരാവിഷ്കരിക്കുകയാണ് അക്കി ബക്കർ.
ചിത്രം ആരാധകർക്കിടയിൽ ശ്രദ്ധേയമായിക്കഴിഞ്ഞു. ലുക്കിൽ മാത്രമല്ല, ഫഹദിന്റെ അഭിനയ ശൈലിയോടും പരമാവധി നീതി പുലർത്താൻ അക്കി ബക്കർ എന്ന യുവാവിന് സാധിച്ചു. ടിക് ടോക്കിൽ ഫഹദിന്റെ അപരൻ എന്ന തരത്തിൽ ശ്രദ്ധിക്കപ്പെട്ട അക്കി ബക്കർ ഇൻസ്റാഗ്രാമിലാണ് ഇപ്പോൾ താരമാകുന്നത്. ഫഹദിനോട് വളരെയധികം മുഖസാദൃശ്യം അക്കി ബക്കറിനുണ്ട്. ‘കുമ്പളങ്ങി നൈറ്റ്സ്’ എന്ന ചിത്രത്തിലെ വൈറൽ രംഗവും, ‘ഞാൻ പ്രകാശൻ’, കാർബൺ തുടങ്ങിയ ചിത്രങ്ങളിലെയും രംഗങ്ങൾ അക്കി ബക്കർ അവതരിപ്പിച്ച് കയ്യടി നേടിയിരുന്നു.
ഫഹദ് ഫാസിൽ അഭിനയിച്ച നിരവധി രംഗങ്ങൾ അക്കി മികവോടെ അവതരിപ്പിച്ചിട്ടുണ്ട്. കൊടുങ്ങല്ലൂർ സ്വദേശിയായ അക്കി മസ്‌കറ്റിൽ ജോലി ചെയ്യുകയാണ്. ട്രാൻസ് എന്ന ചിത്രത്തിലെ ഒരു രംഗം അവതരിപ്പിച്ചാണ് അക്കി ആളുകളുടെ ശ്രദ്ധ നേടിത്തുടങ്ങിയത്. പൃഥ്വിരാജ്, റഹ്‌മാൻ തുടങ്ങിയവരിടെ അപരൻമാരും മുൻപ് ശ്രദ്ധ നേടിയിരുന്നു.
Story highlight- akki backer malik look viral
