‘വരാനിരിക്കുന്ന നിർബന്ധിത ഇടവേളയ്ക്ക് മുൻപ് ആശയായി വീണ്ടും സ്‌ക്രീനിൽ’- ചക്കപ്പഴം ലൊക്കേഷനിൽ നിന്നും അശ്വതി ശ്രീകാന്ത്
ലോകമെമ്പാടുമുള്ള മലയാളി പ്രേക്ഷകരുടെ ഇഷ്ട വിനോദ ചാനലാണ് ഫ്ളവേഴ്സ് ടി വി. ചാനലിലെ എല്ലാ പരിപാടികളും പ്രേക്ഷകർക്ക് പ്രിയങ്കരമാണ്. ചിരിയും ചിന്തയുമായി എത്തിയ ചക്കപ്പഴമാണ്‌ ഇപ്പോൾ ഫ്ളവേഴ്സ് ടി വിയിൽ സംപ്രേഷണം ചെയ്യുന്ന ഏറ്റവും ജനപ്രിയമായ പരമ്പര. ഒരു കുടുംബത്തിലെ രസകരമായ നിമിഷങ്ങൾ പങ്കുവയ്ക്കുന്ന ചക്കപ്പഴത്തിലൂടെ അഭിനയ രംഗത്തേക്കും എത്തിയിരിക്കുകയാണ് അവതാരകയായ അശ്വതി ശ്രീകാന്ത്.
രസകരവും നർമ്മം നിറഞ്ഞതുമായ നിമിഷങ്ങളിലൂടെ മുന്നേറുന്നതിനിടയിലാണ് അശ്വതി ഗർഭിണിയായതും പരമ്പരയിൽ നിന്നും ഇടവേളയെടുത്തതും. പിന്നീട് ലോക്ക്ഡൗണും എത്തിയതോടെ പരമ്പരയ്ക്ക് ഇടവേളയും വന്നു. ഇപ്പോഴിതാ, ഷൂട്ടിംഗ് പുനരാരംഭിച്ചതോടെ ചക്കപ്പഴം സെറ്റിലേക്ക് എത്തിയിരിക്കുകയാണ് അശ്വതി. കഥയിലും ആശ എന്ന അശ്വതിയുടെ കഥാപാത്രം ഗർഭിണിയായതുകൊണ്ട് അഭിനയിക്കുന്നതിനും തടസമില്ല.
ലൊക്കേഷനിൽ നിന്നുമുള്ള ചിത്രം പങ്കുവെച്ചുകൊണ്ട് ഇനി ഏതാനും എപ്പിസോഡുകളിൽ താനുമുണ്ടാകും എന്ന് പങ്കുവയ്ക്കുകയാണ് അശ്വതി ശ്രീകാന്ത്- ‘ഒരു ചെറിയ ഇടവേളയ്ക്ക് ശേഷം ആശ വീണ്ടും സ്‌ക്രീനിലെത്തും. വരാനിരിക്കുന്ന നിർബന്ധിത ഇടവേളയ്ക്ക് മുൻപായി കുറച്ച് എപ്പിസോഡുകളിൽ കൂടി ഉണ്ടായിരിക്കുമെന്ന് പ്രതീക്ഷിക്കുന്നു’. അശ്വതിയുടെ വാക്കുകൾ.
Read More: ജയിലഴിക്കുള്ളിൽ നിന്നും രക്ഷപ്പെടാനുള്ള തന്ത്രങ്ങളുമായി റോയ്; പ്രിയങ്കരി പുതിയ വഴിത്തിരിവിലേക്ക്
അവതാരകയായി എത്തി അഭിനേത്രിയിലേക്ക് ചുവടുവെച്ച താരമാണ് അശ്വതി ശ്രീകാന്ത്. ഫ്ളവേഴ്സ് ചാനലിൽ സംപ്രേഷണം ചെയ്യുന്ന ചക്കപ്പഴം എന്ന സിറ്റ്കോമിലൂടെ ആശ എന്ന കഥാപാത്രമായി അശ്വതി ശ്രീകാന്ത് മലയാളി മനസുകളിൽ ഇടംപിടിച്ചു. മികച്ച അവതരണ ശൈലിയിലൂടെ മലയാളി പ്രേക്ഷകരുടെ ഒന്നടങ്കം സ്നേഹം നേടിയ ആളാണ് അശ്വതി ശ്രീകാന്ത്. വളരെ രസകരമായ സംസാര ശൈലിയിലൂടെ ആളുകളെ കയ്യിലെടുക്കുന്ന അശ്വതി സമൂഹമാധ്യമങ്ങളിലും സജീവമാണ്.
Story highlights- aswathy sreekanth about chackappazham sitcom
