ഇതിലും മികച്ച പിന്തുണ സ്വപ്നങ്ങളിൽ മാത്രം; യുവതിയുടെ നൃത്തത്തിന് രസികൻ പ്രോത്സാഹനവുമായി വളർത്തുനായ- വിഡിയോ

സമൂഹമാധ്യമങ്ങളിൽ ഏറ്റവുമധികം ചർച്ചയാകുന്ന ഒന്നാണ് വളർത്തുമൃഗങ്ങളുടെ രസകരമായ നിമിഷങ്ങൾ. ഇപ്പോൾ അങ്ങനെയൊരു കാഴ്ചയാണ് ശ്രദ്ധേയമാകുന്നത്. നൃത്തം ചെയ്യുന്ന യുവതിക്ക് രസകരമായി പ്രോത്സാഹനം നൽകുകയാണ് ഒരു വളർത്തുനായ.

ശ്രീജിത്ത് തൃക്കര എന്നയാളാണ് വിഡിയോ പങ്കുവെച്ചിരിക്കുന്നത്. ഭരതനാട്യം മനോഹരമായി അവതരിപ്പിക്കുകയാണ് യുവതി. തൊട്ടു പിന്നിലായി ഒരു മരത്തിൽ തുടലിൽ ബന്ധിച്ചിരിക്കുകയാണ് നായയെ. യുവതി നൃത്തം, തുടങ്ങിയതോടെ മുൻകാലുകൾ ഉയർത്തി എഴുന്നേറ്റു നിന്ന് കൈയടിക്കുന്നതുപോലെ പ്രോത്സാഹിപ്പിക്കുകയാണ് നായ.

Read More: വൈഡൂര്യക്കമ്മലണിഞ്ഞ്….ഇഷ്ടഗാനത്തിന്റെ ഓർമകളിൽ മഞ്ജു വാര്യർ

മനുഷ്യനോടുള്ള നായയുടെ സ്നേഹമാണ് ഈ വിഡിയോയിൽ കാണാൻ സാധിക്കുന്നത്. എപ്പോഴും അവ മനുഷ്യനോട് വിധേയത്വം പ്രകടിപ്പിക്കുകയും സൗഹൃദവും സ്നേഹവും കാത്തുസൂക്ഷിക്കുകയും ചെയ്യും. മികച്ച പ്രതികരണങ്ങൾ ലഭിക്കുന്നുണ്ടെങ്കിലും നായയെ കെട്ടിയിടരുത് എന്ന അഭിപ്രായവും ചിലർ ഈ വീഡിയോക്ക് താഴെ പങ്കുവയ്ക്കുന്നുണ്ട്.

Story highlights- dog cheers for woman dancing