റോയ്ക്ക് നേരെ മറ്റൊരു എതിരാളി; പുതിയ കഥാമുഹൂര്‍ത്തങ്ങളുമായി പ്രിയങ്കരി
മലയാള ടെലിവിഷന്‍ പ്രേക്ഷകരുടെ ലോക്ക്ഡൗണ്‍ വിരസതയകറ്റാന്‍ എത്തിയതാണ് പ്രിയങ്കരി എന്ന പരമ്പര. ഫ്‌ളവേഴ്‌സ് ടിവിയില്‍ സംപ്രേക്ഷണം ചെയ്യുന്ന പ്രിയങ്കരി ഇതിനോടകംതന്നെ പ്രേക്ഷകരുടെ പ്രീതി നേടി. എല്ലാ ദിവസവും രാത്രി 7. 30 നാണ് പ്രിയങ്കരിയുടെ സംപ്രേക്ഷണം.
ഡെയ്‌സി ആണ് പ്രിയങ്കരിയിലെ കേന്ദ്ര കഥാപാത്രം. ഈ കഥാപാത്രത്തെ ചുറ്റിപ്പറ്റി നടമാടുന്ന ചില സംഭവ വികാസങ്ങളിലൂടെയാണ് പ്രിയങ്കരിയുടെ സഞ്ചാരം. ചലച്ചിത്രതാരം ഷഫ്‌നയാണ് ഡെയ്‌സിയായി പ്രിയങ്കരി എന്ന പരമ്പരയിലെത്തുന്നത്. താരത്തിന്റെ അഭിനയമികവും പ്രശംസനീയമാണ്. റോയ് എന്ന നെഗറ്റീവ് സ്വഭാവമുള്ള കഥാപാത്രവും പ്രിയങ്കരിയില്‍ ശ്രദ്ധ നേടുന്നുണ്ട്.
ഓരോ ദിവസവും സംഭവബഹുലമായ കഥാമുഹൂര്‍ത്തങ്ങളാണ് പ്രിയങ്കരിയില്‍ ദൃശ്യവത്കരിക്കുന്നത്. ആധുനിക കാലഘട്ടത്തില്‍ നമുക്ക് ചിരപരിചിതമായ പല നിത്യസംഭവങ്ങളുടേയും പച്ചയായ ആവിഷ്‌കാരം കൂടിയാണ് പ്രിയങ്കരി. ടെലിവിഷന്‍ പ്രേക്ഷകര്‍ക്ക് മികച്ച ഒരു ചലച്ചിത്രാനുഭവമാണ് പ്രിയങ്കരി സമ്മാനിക്കുന്നതും.
Story highlights: Flowers TV Serial Priyankai Latest Promo
