കേരളത്തിൽ ശക്തമായ മഴയ്ക്ക് സാധ്യത; മൂന്ന് ജില്ലകളിൽ യെല്ലോ അലേർട്ട്

കേരളത്തിൽ ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പ്. ഇന്ന് മൂന്ന് ജില്ലകളിൽ യെല്ലോ അലേർട്ട് പ്രഖ്യാപിച്ചു. ആലപ്പുഴ, എറണാകുളം, ഇടുക്കി ജില്ലകളിലാണ് ഇന്ന് മഴമുന്നറിയിപ്പ് നൽകിയിരിക്കുന്നത്. നാളെ (ചൊവ്വാഴ്ച) പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശൂര്‍, കോഴിക്കോട് ജില്ലകളിലും മഴ മുന്നറിയിപ്പ് നൽകിയിട്ടുണ്ട്.

അതേസമയം കേരളത്തിൽ കാലവർഷം ആരംഭിച്ചെങ്കിലും വളരെ കുറഞ്ഞ അളവിലാണ് ഇതുവരെ മഴ ലഭിച്ചത്. എന്നാൽ കാലവർഷം ശക്തമായാൽ മഴയ്ക്ക് പുറമെ കാറ്റിനും സാധ്യതയുണ്ട്. അപകടഭീഷണിയുള്ള പ്രദേശങ്ങളിൽ താമസിക്കുന്നവരോട് വേണ്ട മുൻകരുതലുകൾ എടുക്കാനും മാറി താമസിക്കാനും ദുരന്ത നിവാരണ അതോറിറ്റി നേരത്തെ മുന്നറിയിപ്പ് നൽകിയിട്ടുണ്ട്.

Story highlights;heavy rain fall predicted in kerala