രാജ്യത്ത് 45,892 പുതിയ കൊവിഡ് കേസുകൾ സ്ഥിരീകരിച്ചു

രാജ്യത്ത് കഴിഞ്ഞ 24 മണിക്കൂറിനുള്ളിൽ 45,892 പുതിയ കൊവിഡ് കേസുകൾ സ്ഥിരീകരിച്ചു. 817 മരണങ്ങളാണ് റിപ്പോർട്ട് ചെയ്തിട്ടുള്ളത്. ഇതുവരെ രാജ്യത്ത് കൊവിഡ് ബാധിച്ചവരുടെ എണ്ണം 3,07,09,557 ആയി ഉയർന്നു. ഇന്നലെ മാത്രം 44,291 പേർ രോഗമുക്തരായി.

Read More: ‘എന്റെ എക്കാലത്തെയും സൂപ്പർ സ്റ്റാർ’; വാണി വിശ്വനാഥിനൊപ്പമുള്ള ചിത്രവുമായി ബാബുരാജ്

ചികിത്സയിൽ കഴിയുന്നവരുടെ എണ്ണം 4,60,704 ആണ്. രോഗമുക്തി നിരക്ക് 97.18 ശതമാനമാണ്. രാജ്യത്തെ ടെസ്റ്റ് പോസിറ്റിവിറ്റി നിരക്ക് 2.42 ശതമാനമാണ്. കഴിഞ്ഞ 17 ദിവസമായി മൂന്ന് ശതമാനത്തിൽ താഴെയാണ് ഇന്ത്യയിലെ ടിപിആർ. അതേസമയം, ഇന്നലെ 33,81,671 പേർക്ക് വാക്സീൻ നൽകി. ഇതുവരെ 36,48,47,549 പേർക്കാണ് വാക്സീൻ നൽകിയത്.

Story highlights- india covid updates