ദീപക് ദേവിനൊപ്പം മത്സരിച്ച് പാടി മിയക്കുട്ടി- വിഡിയോ
പാട്ടിന്റെ അതുല്യ നിമിഷങ്ങൾ പിറക്കുന്ന വേദിയാണ് ഫ്‌ളവേഴ്‌സ് ടി വിയിൽ സംപ്രേഷണം ചെയ്യുന്ന ടോപ് സിംഗർ സീസൺ 2. വിധികർത്താക്കളും മത്സരാർത്ഥികളുമെല്ലാം ചേർന്ന് പാട്ടിന്റെ മനോഹരലോകമാണ് തീർക്കുന്നത്. ഇപ്പോഴിതാ, ഹൃദ്യമായൊരു നിമിഷം ഒരുക്കിയിരിക്കുകയാണ് വിധികർത്താക്കളിൽ ഒരാളായ ദീപക് ദേവ്. സംഗീത സംവിധായകനായ ദീപക് ദേവ് മനോഹരമായൊരു ബോളിവുഡ് ഗാനവുമായാണ് എത്തിയത്. ഒപ്പമെത്തിയത് ടോപ് സിംഗർ വേദിയിലെ കുട്ടിക്കുറുമ്പി മിയയാണ്.
ഇരുവരും പാട്ടിനൊപ്പം ചുവടുകളൊക്കെവെച്ച് കൂടുതൽ ഹൃദ്യമാക്കി പാട്ട്. മിയയുടെ പാട്ടിനും കുറുമ്പിനും ഒട്ടേറെ ആരാധകരുണ്ട്. പാട്ടിനൊപ്പം രസകരമായ വിശേഷങ്ങളാണ് മിയക്കുട്ടിക്ക് പങ്കുവയ്ക്കാനുള്ളത്. ഫോർട്ട് കൊച്ചിയിൽ നിന്നും പാട്ടുവേദിയിലേക്ക് എത്തിയ മിയ ജഡ്ജസിന്റെ ചോദ്യങ്ങൾക്ക് നൽകുന്ന മറുപടികളിലൂടെയാണ് ശ്രദ്ധേയയായത്.
Read More: പത്രോസിന്റെ പടപ്പുകൾ ഒരുങ്ങുന്നത് നർമ്മത്തിന്റെ മേമ്പൊടിയിൽ; താരങ്ങളായി ഷറഫുദ്ധീനും ഗ്രേസ് ആന്റണിയും
മുൻപൊരു എപ്പിസോഡിൽ എം ജി ശ്രീകുമാറിനൊപ്പം രസകരമായൊരു ചിരി നിമിഷം മിയ ഒരുക്കിയിരുന്നു. കുറച്ചുനാളുകളായി മിയയുടെ ശബ്ദത്തിനും സംസാര ശൈലിക്കും ഒരു മാറ്റമുണ്ടായി. സംസാരിക്കുമ്പോഴാണ് ഈ പ്രത്യേക രീതിയിലുള്ള ശൈലി മിയക്കുട്ടിയുടെ ശബ്ദത്തിലേക്ക് കേറി വരുന്നത്. ഇപ്പോഴിതാ, ആ ശബ്ദം അനുകരിക്കുകയാണ് ഗായകനും ടോപ് സിംഗർ സീസൺ 2ലെ വിധികർത്താവുമായ എം ജി ശ്രീകുമാർ. രസകരമായ ഈ അനുകരണമാണ് സമൂഹമാധ്യമങ്ങളിൽ ശ്രദ്ധേയമായത്.
Story highlights- miah and deepak dev performance
