മീനൂട്ടിയുടെ മനസ് നിറച്ച് മിയക്കുട്ടിയുടെ പാട്ട്; കുരുന്നുപാട്ടുകാരിയെ ചേർത്തുപിടിച്ച് മീനാക്ഷി- വിഡിയോ
ടോപ് സിംഗർ മത്സരാർത്ഥികളെ പോലെ തന്നെ ശ്രദ്ധേയയാണ് അവതാരകയായ മീനാക്ഷി അനൂപ്. ബാലതാരമായി സിനിമയിലേക്ക് എത്തിയ മീനാക്ഷി കൂടുതൽ ജനഹൃദയങ്ങൾ കീഴടക്കിയത് ടോപ് സിംഗർ വേദിയിലൂടെയാണ്. സ്വന്തം വീട്ടിലെ കുട്ടിയെന്ന സ്നേഹം ടോപ് സിംഗറിലൂടെ പ്രേക്ഷകരിൽ നിന്നും മീനാക്ഷിയെന്ന മീനൂട്ടിക്ക് ലഭിക്കാറുണ്ട്. ആദ്യ സീസണിലും മീനാക്ഷി തന്നെയാണ് അവതാരകയായി എത്തിയത്.
പാട്ടുവേദിയിലെ കുരുന്നു ഗായകർക്കെല്ലാം പ്രിയങ്കരിയാണ് മീനാക്ഷി. ഫോർട്ട് കൊച്ചിയിൽ നിന്നെത്തിയ കുസൃതിക്കാരി മിയ മെഹക് വേദിയിലേക്ക് എത്തിയാൽ പിന്നെ മീനാക്ഷിയുടെ കൈയിൽപിടിച്ചാണ് നിൽപ്പ്. ഇപ്പോഴിതാ, മീനാക്ഷിയെ സന്തോഷിപ്പിക്കാൻ ഒരു പാട്ടുമായി എത്തിയിരിക്കുകയാണ് മിടുക്കി.
വേദിയിൽ ആലപിച്ച ഗാനത്തിൽ ഒരു വാക്കുമാറ്റി അവിടെ മീനൂട്ടി എന്ന് പാടാൻ എം ജി ശ്രീകുമാർ മിയയോട് ആവശ്യപ്പെട്ടു. മിയ പാടിയതോടെ മീനാക്ഷിയുടെ മനസും നിറഞ്ഞു. രസകരമായ വിഡിയോ സമൂഹമാധ്യമങ്ങളിൽ ശ്രദ്ധേയമാകുകയാണ്.
Read More: മകനെ പരിചയപ്പെടുത്തി മിയ; മനോഹരം ഈ കുടുംബചിത്രം
രണ്ടാം വയസിൽ അഭിനയലോകത്തേക്ക് മീനാക്ഷി. സ്‌കൂളിൽ പോകുന്നതുപോലെയാണ് ഷൂട്ടിങ്ങിനു പോകുന്നതെന്ന് മീനാക്ഷി അഭിമുഖങ്ങളിൽ പങ്കുവയ്ക്കാറുണ്ട്. ടോപ് സിംഗർ വേദിയിലാണ് വീട്ടിലുള്ളതിനേക്കാളും അധികം സമയം ചിലവഴിക്കാറുള്ളതെന്നും എല്ലാരും ഒരു കുടുംബം പോലെയാണെന്നും മീനൂട്ടി പറയുന്നു.
Story highlights- miah mehak and meenakshi adorable video
