‘മേഘ്‌ന ഗോ..’- ഇത്തവണ ഇംഗ്ലീഷ് പഠിച്ചിട്ടാണ് മിയക്കുട്ടിയുടെ വരവ്; രസികൻ വിഡിയോ
മലയാളികളുടെ പ്രിയ പരമ്പരയാണ് ടോപ് സിംഗർ സീസൺ 2. കുരുന്ന് മത്സരാർത്ഥികളുടെ മാസ്മരിക ആലാപന വൈഭവവും കുസൃതികളും കൊണ്ടാണ് ടോപ് സിംഗർ പ്രേക്ഷക ഹൃദയങ്ങളിൽ ചേക്കേറിയത്. രണ്ടാം ലോക്ക്ഡൗണിന് ശേഷം കുഞ്ഞുതാരങ്ങൾ വീണ്ടും പാട്ടുവേദിയിലേക്ക് എത്തിയിരിക്കുകയാണ്. രണ്ടുമാസത്തെ ഇടവേളയിൽ ഒട്ടേറെ വിശേഷങ്ങളും കുട്ടികൾക്ക് പങ്കുവയ്ക്കാനുണ്ട്.
പാട്ടുവേദിയിലെ ഏറ്റവും പ്രായംകുറഞ്ഞ മത്സരാർഥികളിൽ ഒരാളാണ് മിയ മെഹക്. ഫോർട്ട് കൊച്ചിയിൽ നിന്നും മത്സര വേദിയിലേക്ക് എത്തിയ മിയ നിഷ്കളങ്കത കൊണ്ടും മനോഹരമായ ആലാപനമികവുകൊണ്ടുമാണ് ശ്രദ്ധേയയായത്. മുൻപ് എം ജി ശ്രീകുമാറുമായി ഇംഗ്ലീഷിൽ സംസാരിക്കുന്ന മിയക്കുട്ടിയുടെ രസകരമായൊരു വിഡിയോ ശ്രദ്ധേയമായിരുന്നു. ഇത്തവണ കൂടുതൽ ഇംഗ്ലീഷ് വാക്കുകൾ പഠിച്ചാണ് മിയ എത്തിയിരിക്കുന്നത്.
Read More: മീനൂട്ടിയുടെ ചോദ്യത്തിന് ദീപക് ദേവിന്റെ മാസ്സ് ഉത്തരം; ചിരി നിറച്ച് പാട്ട് വേദി
ജഡ്ജസിന്റെ ഇംഗ്ലീഷിലുള്ള ചോദ്യങ്ങൾക്ക് മിയക്കുട്ടി മറുപടി നൽകുകയാണ്. അതിനിടയിൽ മേഘ്‌ന എവിടെ എന്ന് ചോദിച്ചപ്പോൾ ‘മേഘ്‌ന ഗോ..’ എന്നാണ് മിയ പറയുന്നത്. മറുപടി ചിരി പടർത്തിയതിനൊപ്പം മിയക്കുട്ടിക്ക് തിരുത്തിക്കൊടുക്കുകയും ചെയ്യുന്നുണ്ട് ജഡ്ജസ്. രസകരമായ വിഡിയോ ശ്രദ്ധേയമാകുകയാണ്.
Story highlights- miah mehak’s funny vidieo
