കല്യാണ രാമന്റെ ആധുനിക കവിതയുമായി നവ്യ നായർ; കോറസുമായി ചിരി താരങ്ങൾ- വിഡിയോ
‘സ്നേഹത്തിന്റെ ഗൗളി തെങ്ങുകളിൽ മണ്ഡരിയോ.. അങ്ങ് പൊക്രാനിലെ വസന്തകാല പറവകൾക്ക് കോഴി വസന്തയോ..’.. തമാശയ്‌ക്കെങ്കിലും ഈ വരികൾ ഏറ്റുപാടാത്ത മലയാളികൾ വിരളമാണ്. അത്രയ്ക്ക് രസകരമായൊരു സിനിമയിലെ ഒരു ചിരി രംഗത്തിലെ വരികളാണിവ. കല്യാണ രാമനിലെ ഹിറ്റായ ആധുനിക കവിത.
ദിലീപ് അവതരിപ്പിച്ച കഥാപത്രത്തിന്റെ രസികൻ കവിത നായികയായ നവ്യ നായർ കൂട്ടുകാരികളുടെയും കുടുംബത്തിന്റെയും മുന്നിൽ ചൊല്ലുന്ന രസികൻ രംഗം ആരും മറക്കാനിടയില്ല. വർഷങ്ങൾക്ക് ശേഷം കല്യാണ രാമന്റെ കവിത വീണ്ടും ഓർത്തെടുക്കുകയാണ് നവ്യ നായർ.
സ്റ്റാർ മാജിക് വേദിയിലാണ് നവ്യ നായർ കല്യാണ രാമന്റെ ആധുനിക കവിത ചൊല്ലി ചിരി പടർത്തിയത്. കവിതയ്ക്ക് കോറസുമായി സ്റ്റാർ മാജിക്കിലെ ചിരി താരങ്ങൾ അണിനിരന്നു. രസകരമായ ഈ വിഡിയോ ശ്രദ്ധേയമാകുകയാണ്. സ്റ്റാർ മാജിക്കിൽ ഇത്തവണ നവ്യ വസന്തം തന്നെയായിരുന്നു. അത്രയേറെ സിനിമ ഓർമ്മകൾ നടി പങ്കുവെച്ചു.
Story highlights- Navya Nair sings the hit song from the movie Kalyana Raman
