സ്‌കൂൾ യൂണിഫോമിൽ ‘പെർഫെക്റ്റ് ഓക്കേ’ ഡാൻസുമായി സ്റ്റാർ മാജിക് താരങ്ങൾ- വിഡിയോ
അടുത്തിടെ സമൂഹമാധ്യമങ്ങളിൽ വളരെയധികം ശ്രദ്ധിക്കപ്പെട്ട വിഡിയോയാണ് ‘പെർഫെക്റ്റ് ഓക്കേ’. നൈസൽ ബാബു എന്ന വ്യക്തിയുടെ ഡയലോഗുകൾ സമൂഹമാധ്യമങ്ങളിൽ മാഷപ്പ് വീഡിയോകളിലൂടെ ശ്രദ്ധേയമായി മാറുകയായിരുന്നു. അശ്വിന്‍ ഭാസ്‌കറെന്ന യുവസംഗീതജ്ഞനാണ് ഡയലോഗ് റീമിക്‌സ് ചെയ്ത് പാട്ടാക്കിയത്. പിന്നീട് അത് നൃത്തവുമായി മാറിയിരുന്നു. ഇപ്പോഴിതാ, ആ ഗാനത്തിന് ചുവടുവെച്ച് രംഗത്ത് എത്തിയിരിക്കുകയാണ് സ്റ്റാർ മാജിക് താരങ്ങൾ.
ഫ്‌ളവേഴ്‌സ് ടി വിയിൽ സംപ്രേഷണം ചെയ്യുന്ന സ്റ്റാർ മാജിക്കിന്റെ അവതാരകയായ ലക്ഷ്മി നക്ഷത്രയും മറ്റു താരങ്ങളുമാണ് സ്‌കൂൾ യൂണിഫോമിൽ നൃത്തവുമായി എത്തിയത്. ഇടവേളയ്ക്ക് ശേഷം വീണ്ടും പ്രേക്ഷകരിലേക്ക് എത്തുമ്പോൾ ഒരു സ്‌കൂൾ തുറന്ന പ്രതീതിയിലാണ് താരങ്ങളും ചിരി വേദിയും.
Read More:റിലീസ് ചെയ്ത് മുപ്പതുവർഷങ്ങൾക്ക് ശേഷം ‘മൈക്കിൾ മദന കാമ രാജനി’ലെ രഹസ്യങ്ങൾ പങ്കുവെച്ച് കമൽ ഹാസൻ
അതേസമയം, കൊവിഡ് ബാധിച്ച് ഐസൊലേഷനിൽ കഴിയുന്ന സുഹൃത്തിന് ആത്മവിശ്വാസം പകരുന്നതിനായി നൈസൽ അയച്ച ഒരു സെൽഫി വീഡിയോ ആണ് പിന്നീട് സാമൂഹ്യ മാധ്യമങ്ങളിൽ വൈറൽ ആയത്. ഐസൊലേഷനിൽ കഴിയുമ്പോൾ കൃത്യമായി ഭക്ഷണവും മരുന്നുമെല്ലാം ലഭിക്കുമെന്ന് പറഞ്ഞ് നൈസൽ ആശ്വസിപ്പിക്കുന്നതാണ് പെർഫെക്റ്റ് ഓക്കേ വിഡിയോയിൽ ഉള്ളത്.
Story highlights; perfect ok dance by star magic members
