കേന്ദ്ര കഥാപാത്രങ്ങളായി സണ്ണി വെയ്‌നും അഹാന കൃഷ്ണയും; ശ്രദ്ധ നേടി ‘പിടികിട്ടാപ്പുള്ളി’യുടെ പോസ്റ്റര്‍
സിനിമില്‍ അവതരിപ്പിക്കുന്ന ഓരോ കഥാപാത്രങ്ങളേയും പരിപൂര്‍ണതയിലെത്തിക്കുന്ന താരങ്ങളാണ് സണ്ണി വെയ്‌നും അഹാന കൃഷ്ണയും. ഇരുവരും ഒരുമിച്ചെത്തുകയാണ് പുതിയ ചിത്രത്തില്‍. പിടികിട്ടാപ്പുള്ളി എന്നാണ് ചിത്രത്തിന്റെ പേര്. ചിത്രത്തിന്റേതായി പുറത്തിറങ്ങിയ സെക്കന്‍ഡ് ലുക്ക് പോസ്റ്ററും ചലച്ചിത്രലോകത്ത് ശ്രദ്ധ നേടുന്നു. മെറീന മൈക്കിള്‍, സൈജു കുറുപ്പ്, ലാലു അലക്‌സ്, ബൈജു തുടങ്ങിയ താരങ്ങളും ചിത്രത്തില്‍ പ്രധാന കഥാപാത്രങ്ങളായെത്തുന്നുണ്ട്.
നവാഗതനായ ജിഷ്ണു ശ്രീകണ്ഠനാണ് ചിത്രത്തിന്റെ സംവിധാനം നിര്‍വഹിക്കുന്നത്. ക്രൈം പശ്ചാത്തലമാക്കി ഒരുങ്ങുന്ന ചിത്രത്തില്‍ നര്‍മ്മത്തിനും പ്രാധാന്യം നല്‍കിയിട്ടുണ്ട്. ഗോകുലും മൂവിസിന്റെ ബാനറില്‍ ഗോകുലം ഗോപാലനാണ് ചിത്രത്തിന്റെ നിര്‍മാണം.
Read more: തെയ്തക തെയ്തക താളത്തില്‍ കുടുക്ക് പാട്ടുമായി കുരുന്ന് ഗായകര്‍: വിഡിയോ
പിഎസ് ജയഹരിയാണ് ചിത്രത്തിന്റെ സംഗീത സംവിധായകന്‍. വിനായക് ശശികുമാര്‍, മനു മഞ്ജിത് തുടങ്ങിയവര്‍ ചിത്രത്തിലെ ഗാനങ്ങള്‍ക്ക് വരികള്‍ എഴുതിയിരിക്കുന്നു. അന്‍ജോയ് സാമുവല്‍ ആണ് ഛായാഗ്രഹണം നിര്‍വഹിക്കുന്നത്. ബിപിന്‍ പോള്‍ സാമുവല്‍ എഡിറ്റിങ്ങും കൈകാര്യം ചെയ്യുന്നു.
Story highlights: Pidikittappulli new movie poster
