ഇനി ഡെയ്‌സിയുടെ പുതിയ മുഖം; പ്രിയങ്കരി പുതിയ വഴിത്തിരിലേക്ക്
അപ്രതീക്ഷിത കഥാമുഹൂർത്തങ്ങളിലൂടെ മുന്നേറുകയാണ് പ്രിയങ്കരി. ചുരുങ്ങിയ കാലംകൊണ്ടാണ് പ്രിയങ്കരി പ്രേക്ഷകരുടെ ഇഷ്ട പരമ്പരയായി മാറിയത്. ഇതുവരെ ഡെയ്‌സിയുടെ ദുഃഖങ്ങളും നഷ്ടങ്ങളുമാണ് പ്രേക്ഷകരെ നൊമ്പരപ്പെടുത്തിയത്. എന്നാൽ, ഇനി കാണാനുള്ളത് പ്രതികാരം ചെയ്യാനൊരുങ്ങുന്ന ഡെയ്‌സിയുടെ പുതിയ മുഖമാണ്.
സോളമനൊപ്പമുള്ള ജീവിതത്തിന് റോയ് തടസങ്ങൾ സൃഷ്ടിച്ചതോടെ തളർന്നു പോയ ഡെയ്സി ഇപ്പോൾ അതിജീവനത്തിന്റെ പാതയിലാണ്. റോയിയെ തകർക്കാനുള്ള എല്ലാ മാർഗങ്ങളും സ്വീകരിച്ച് കരുത്തോടെ പോരാടുകയാണ് ഡെയ്സി. ഒപ്പം പിന്തുണയുമായി സോളമനുമുണ്ട്. ഇരുവരും ശക്തമായ പ്രതിരോധം തീർത്തതോടെ റോയ് അടിപതറിയ അവസ്ഥയിലാണ്.
ലോക്ക്ഡൗണ്‍ കാലത്ത് മലയാളികളുടെ സ്വീകരണ മുറികളിലേക്കെത്തിയ പരമ്പരയാണ് പ്രിയങ്കരി. വളരെ കുറഞ്ഞ നാളുകള്‍ക്കൊണ്ടുതന്നെ പ്രിയങ്കരി മികച്ച പ്രേക്ഷക സ്വീകാര്യതയും നേടി. സംഭവബഹുലമായ കഥാമുഹൂര്‍ത്തങ്ങളിലൂടെ മുന്നേറുകയാണ് പ്രിയങ്കരി. എല്ലാ ദിവസവും വൈകിട്ട് 7.30 നാണ് ഫ്‌ളവേഴ്‌സ് ടിവിയില്‍ പ്രിയങ്കരിയുടെ സംപ്രേക്ഷണം.
Story highlights- priyankari new promo
