ഇനി ആനിയും ഡെയ്‌സിയും തമ്മിൽ നേർക്കുനേർ പോരാട്ടം- പുതിയ കഥാമുഹൂർത്തങ്ങളിലൂടെ പ്രിയങ്കരി
മലയാളികളുടെ പ്രിയ പരമ്പരയായി മാറിയിരിക്കുകയാണ് ഫ്‌ളവേഴ്‌സ് ചാനലിൽ സംപ്രേഷണം ചെയ്യുന്ന ‘പ്രിയങ്കരി’. സംഘർഷ ഭരിതമായ കഥാമുഹൂർത്തങ്ങളിലൂടെയാണ് പ്രിയങ്കരി മുന്നേറുന്നത്. ഡെയ്‌സിയുടെ ജീവിത പ്രതിസന്ധികളിലൂടെ മുന്നേറുന്ന പ്രിയങ്കരിയിൽ ഇപ്പോൾ പുതിയ വഴിത്തിരിവുകൾ സൃഷ്ടിക്കുന്നത് ആനി എന്ന കഥാപാത്രത്തിന്റെ വരവാണ്.
ഡെയ്‌സിയെ ചതിച്ച് സ്വത്ത് തട്ടിയെടുക്കാനുള്ള ശ്രമങ്ങൾ പാളിയതോടെ റോയ് പുതിയ മാർഗങ്ങൾ സ്വീകരിക്കുകയാണ്. സോളമനൊപ്പം നിന്ന് ഡെയ്സി റോയിക്ക് എതിരെയുള്ള പോരാട്ടങ്ങൾ ശക്തമാക്കുകയും ചെയ്തു. എന്നാൽ, ഇപ്പോൾ ആനി എന്ന പെൺകുട്ടിയുടെ റോയ് കരുത്തനാകുകയാണ്.
Read More: രാജ്യത്ത് 39,361 കൊവിഡ് കേസുകള്‍; ഒരുലക്ഷത്തിൽ അധികം സജീവ കേസുകളുള്ള സംസ്ഥാനമായി കേരളം
കടുത്ത ദൈവ വിശ്വാസിയായ ആനിയെ ആ രീതിയിൽ പ്രണയം നടിച്ച് വശത്താക്കിയിരിക്കുകയാണ് റോയ്. ചതിയനായ റോയ് നടത്തുന്ന നീക്കങ്ങൾ ഒന്നും ആനിയിൽ സംശയം പോലും ഉണർത്തുന്നില്ല. ആനിയുടെ മുന്നിൽ തന്നെ റോയിക്ക് എതിരെ പോരാട്ടത്തിനിറങ്ങുന്ന ഡെയ്‌സിയ്ക്ക് മുന്നിൽ ആനിയും പ്രതിസന്ധിയാകുന്ന നിർണായക മുഹൂർത്തങ്ങളാണ് അരങ്ങേറുന്നത്. എല്ലാ ദിവസവും രാത്രി 7.30നാണ് പ്രിയങ്കരി സംപ്രേഷണം ചെയ്യുന്നത്.
Story highlights- priyankari serial new character
