സോളമന്റെയും ഡെയ്‌സിയുടെയും ജീവിതത്തിലെ പുതിയ വെല്ലുവിളിയായി സ്റ്റീഫൻ
ജീവിതത്തിൽ അപ്രതീക്ഷിത പ്രതിസന്ധികൾ അഭിമുഖീകരിക്കുന്ന പെൺകുട്ടിയുടെ ജീവിതകഥ പറയുകയാണ് പ്രിയങ്കരി എന്ന പരമ്പര. ജീവിതത്തിൽ നിരവധി വെല്ലുവിളികളെ നേരിടേണ്ടിവന്ന ഡെയ്‌സി എന്ന പെൺകുട്ടി ഇതിനോടകം പ്രേക്ഷകർക്ക് സുപരിചിതയായി മാറിയതാണ്… യഥാർത്ഥ സ്നേഹത്തിന്റെയും സ്നേഹത്തെ മറയാക്കി ചതികൾ ഒരുക്കുന്ന ഒരു കൂട്ടം ആളുകളുടെയും ഇടയിലാണ് ഡെയ്‌സി എന്ന പെൺകുട്ടിയുടെ ജീവിതം.
ഓരോ പരീക്ഷണങ്ങളെയും അതിജീവിച്ച് പുതിയ ജീവിതം ആരംഭിക്കാൻ തുടങ്ങുന്ന ഡെയ്‌സിയുടെ ജീവിതത്തിൽ വീണ്ടും പുതിയ തടസങ്ങൾ ഉണ്ടായികൊണ്ടിരിക്കുകയാണ്… ഇപ്പോഴിതാ ഡെയ്‌സിയുടെയും സോളമന്റെയും ജീവിതത്തിൽ പുതിയ വെല്ലുവിളിയായി എത്തിയിരിക്കുകയാണ് സ്റ്റീഫൻ.
ചതിയും തന്ത്രങ്ങളുമായി ജീവിക്കുന്ന റോയ്‌യും, റോയ്‌യുടെ പ്രണയനാടകത്തിന് ഇരയായ ഡെയ്സിക്കുമൊപ്പം നിരവധി കഥാപാത്രങ്ങൾ അണിനിരക്കുന്ന പരമ്പരയാണ് പ്രിയങ്കരി. കാഴ്ചക്കാരിൽ ആകാംഷയും ആവേശവും നിറച്ചുകൊണ്ടാണ് പ്രിയങ്കരിയുടെ ഓരോ എപ്പിസോഡുകളും എത്തുന്നത്.
Read also: ഇന്ദ്രന്‍സ് നായകനായെത്തുന്ന ‘വേലുക്കാക്ക’ ഒടിടി റിലീസിന്
ഡെയ്‌സി എന്ന പെൺകുട്ടിയെ ചതിയിലൂടെ സ്വന്തമാക്കിയതാണ് റോയ്. എന്നാൽ റോയ്‌യുടെ ചതികൾ തിരിച്ചറിഞ്ഞ ഡെയ്‌സിയുടെ പിതാവ് സാമുവൽ ഡെയ്സിയെ ഈ ബന്ധത്തിൽ നിന്നും അകറ്റാൻ ശ്രമം നടത്തി. എന്നാൽ റോയ്‌യെ മതിയെന്ന് ഡെയ്‌സി തീരുമാനിച്ചു. ഒന്നിച്ചുള്ള ജീവിതം തുടങ്ങിക്കഴിഞ്ഞപ്പോൾ റോയ്‌യുടെ തനിനിറം ഡെയ്‌സി തിരിച്ചറിയുന്നു…തുടർന്ന് സ്വന്തം വീട്ടിലേക്ക് തിരികെയെത്തിയ ഡെയ്സിയെ അനുനയിപ്പിച്ച് തിരികെ കൊണ്ടുപോകാൻ നിരവധി ശ്രമങ്ങൾ റോയ് നടത്തി.
ഡെയ്‌സിയും സോളമനും ഒന്നിക്കാൻ തീരുമാനിച്ചതോടെ സോളമനെ കുടുക്കാൻ ഉള്ള ശ്രമങ്ങളുമായി റോയ് വീണ്ടുമെത്തി. എന്നാൽ അപ്രതീക്ഷിതമായി എത്തിയ ഡെയ്‌സിയുടെ പിതാവിന്റെ മരണം ഡെയ്സിയെ വീണ്ടും തളർത്തി. തുടർന്ന് ഇവരുടെ ജീവിതത്തിലേക്ക് എത്തുന്ന പുതിയ അതിഥിയാണ് സ്റ്റീഫൻ. സ്റ്റീഫനും റോയ്‌യും ഒന്നിച്ച് ഡെയ്‌സിക്കും സോളമനുമെതിരെ പുതിയ കരുക്കൾ നീക്കാനുള്ള ശ്രമത്തിലാണിപ്പോൾ.
Story highlights:Priyankari stephen entry
