ആ ഡാന്‍സ് വൈറലായി; ചെങ്കല്‍ച്ചൂളയിലെ മിടുക്കന്‍മാരുടെ വിഡിയോ പങ്കുവെച്ച് സൂര്യയും
തമിഴകത്ത് മാത്രമല്ല തെന്നിന്ത്യ ഒട്ടാകെ ആരാധകരുള്ള ചലച്ചിത്രതാരമാണ് സൂര്യ. അടുത്തിടെയായിരുന്നു താരത്തിന്റെ പിറന്നാള്‍. സൂര്യയുടെ ജന്മദിനത്തില്‍ തിരുവനന്തപുരത്തെ ചെങ്കല്‍ച്ചൂളയിലെ കുട്ടികള്‍ ചേര്‍ന്നൊരുക്കിയ വിഡിയോ സൈബര്‍ ഇടങ്ങളില്‍ ശ്രദ്ധ നേടിയിരുന്നു. ഇപ്പോഴിതാ ഈ വിഡിയോ ഔദ്യോഗിക ട്വിറ്ററില്‍ പങ്കുവെച്ചുകൊണ്ട് മിടുക്കന്‍മാരെ അഭിനന്ദിച്ചിരിക്കുകയാണ് സൂര്യ.
സൂര്യ കേന്ദ്ര കഥാപാത്രമായെത്തിയ അയന്‍ എന്ന സിനിമയിലെ ഗാനരംഗം അതേപോലെ പുനഃരാവിഷ്‌കരിക്കുകയായിരുന്നു മിടുക്കന്‍മാര്‍. കെ വി ആനന്ദ് സംവിധാനം നിര്‍വഹിച്ച അയന്‍ 2009-ലാണ് പ്രേക്ഷകരിലേക്കെത്തിയത്. ഭാഷയുടേയും ദേശത്തിന്റേയും അതിരുകള്‍ കടന്നും ശ്രദ്ധ നേടിയ ചിത്രമാണ് അയന്‍.
Read more: മോഹൻലാലിൻറെ ആറാട്ട് ലുക്ക് ദോശയിൽ വിരിഞ്ഞപ്പോൾ- വിഡിയോ
Loved it !!! 👍🏽👍🏽👍🏽 https://t.co/qt3zqUtlCI
— Suriya Sivakumar (@Suriya_offl) July 25, 2021
ചിത്രത്തിലെ ഗാനരംഗം അതേപടിയാണ് ചെങ്കല്‍ച്ചൂളയിലെ മിടുക്കന്‍മാര്‍ ചേര്‍ന്ന് പുനഃരാവിഷ്‌കരിച്ചത്. കോസ്റ്റിയൂമും ലൊക്കേഷനും എല്ലാം തനിപ്പകര്‍പ്പ് പോലെ. എന്നാല്‍ പൂര്‍ണ്ണമായും മൊബൈല്‍ ഫോണിലാണ് ഈ ഗാനം രംഗം മിടുക്കന്‍മാര്‍ ചേര്‍ന്ന് ചിത്രീകരിച്ചത് എന്നതും കൗതുകകരമാണ്. ചിത്രത്തിലെ പണം തട്ടുന്ന ഒരു രംഗവും ഈ മിടുക്കന്‍മാര്‍ റിക്രിയേറ്റ് ചെയ്തിരുന്നു.
Story highlights: Suiya shares stunning performance by boys
