വേഷപ്പകർച്ചയിൽ അതിശയമായി തങ്കച്ചൻ; ചിരി നിറച്ച് സ്റ്റാർ മാജിക് വേദിയിലെ ഡാൻസ് മാസ്റ്റർ വിക്രം
സ്റ്റാർ മാജിക് വേദിയിൽ വേഷപ്പകർച്ചകൊണ്ട് ഞെട്ടിക്കുന്ന താരമാണ് തങ്കച്ചൻ വിതുര. മലയാളികൾ ഏറ്റെടുത്ത സിനിമ കഥാപാത്രങ്ങളെ ഉൾപ്പെടെ നിരവധി കഥാപാത്രങ്ങളായി വന്ന് വേദിയിൽ ചിരിയുടെ മാലപ്പടക്കം തീർക്കാറുണ്ട് തങ്കച്ചൻ. അത്തരത്തിൽ ഏറെ ശ്രദ്ധിക്കപ്പെട്ടതാണ് തങ്കച്ചന്റെ കടത്തനാട്ട് മാക്കവും എയർഹോസ്റ്റസ് ബെറ്റിയുമെല്ലാം. ഇപ്പോഴിതാ ഡാൻസ് മാസ്റ്റർ വിക്രമായി എത്തി സ്റ്റാർ മാജിക് വേദിയിൽ ചിരി നിറയ്ക്കുകയാണ് തങ്കച്ചൻ.
തകർപ്പൻ കോമഡികളും ഡാൻസും പാട്ടും സ്കിറ്റുകളുമൊക്കെയായി പ്രേക്ഷകർക്ക് രസകാഴ്ചകൾ സമ്മാനിക്കുന്ന സ്റ്റാർ മാജിക് വേദിയുടെ ഏറ്റവും പുതിയ എപ്പിസോഡിലാണ് തങ്കച്ചൻ ഡാൻസ് മാസ്റ്റർ വിക്രമായി എത്തിയത്. സിനിമ താരം ഷാജോണും മലയാളികളുടെ പ്രിയ നായിക നവ്യ നായരും അതിഥികളായി എത്തിയപ്പോഴാണ് തങ്കച്ചന്റെ ഈ വേഷപ്പകർച്ച. വേഷത്തിലെ കൗതുകത്തിനൊപ്പം തങ്കച്ചന്റെ കോമഡികളും കൗണ്ടറുകളും വേദിയിൽ രസകാഴ്ചകൾ സമ്മാനിക്കുന്നുണ്ട്.
ഫ്‌ളവേഴ്‌സ് ചാനലിൽ സംപ്രേഷണം ചെയ്യുന്ന സ്റ്റാർ മാജിക് വേദിയിലൂടെയാണ് തങ്കച്ചൻ പ്രേക്ഷകർക്ക് കൂടുതൽ സ്വീകാര്യനായത്. തങ്കച്ചന്‍ വിതുര എന്ന താരത്തെ പ്രേക്ഷകര്‍ ഏറെ സ്‌നേഹത്തോടെ തങ്കു എന്നാണ് വിളിക്കുന്നത്. തങ്കച്ചൻ വരികളും സംഗീതവും ആലാപനവും നിർവഹിച്ച ‘മറിയേടമ്മേടെ ആട്ടിൻകുട്ടി’ എന്ന ഗാനവും ഏറെ ശ്രദ്ധിക്കപ്പെട്ടിരുന്നു.
Read also:എന്താണ് സിക്ക വൈറസ്, ലക്ഷണങ്ങൾ എന്തൊക്കെ..?, സിക്ക വൈറസിനെക്കുറിച്ച് അറിയേണ്ടതെല്ലാം
തിരുവനന്തപുരം വിതുര സ്വദേശിയാണ് തങ്കച്ചന്‍. കുട്ടിക്കാലം മുതല്‍ക്കേ പാട്ടും മിമിക്രിയും ഡാന്‍സുമെല്ലാം കൂടെക്കൂട്ടിയ കലാകാരനാണ് തങ്കച്ചൻ. അലങ്കാരങ്ങളുടെ പൊടിപ്പും തൊങ്ങലുമില്ലാതെ ഹാസ്യത്തെ അനായാസം കൈകാര്യം ചെയ്യാന്‍ ഈ കലാകാരന് സാധിക്കുന്നു എന്നത് തന്നെയാണ് തങ്കച്ചനെ ഇത്രമേൽ പ്രേക്ഷകർക്ക് പ്രിയപ്പെട്ടവനാക്കുന്നതും.
Story highlights: Thankachan funny perfomance as Dance master Vikram
