തുടക്കത്തിലൊരു വീഴ്ചയും വിജയത്തിലേക്കുള്ള കുതിപ്പും; അമ്പരപ്പിക്കുന്ന റോളർ സ്‌കേറ്റിങ് പ്രകടനവുമായി നാലുവയസുകാരി
വീഴ്ചയിൽ നിന്നും വിജയത്തിലേക്ക് കുതിക്കുന്ന ഒട്ടേറെപ്പേർ സമൂഹത്തിലുണ്ട്. ഓരോ വീഴ്ചയിലും തളരാതെ മുന്നോട്ട് പോകാനുള്ള ആത്മധൈര്യമുണ്ടെങ്കിൽ വിജയം വിരൽതുമ്പിലുണ്ടാകും. അത്തരത്തിലൊരു കാഴ്ചയാണ്‌ ഇപ്പോൾ സമൂഹമാധ്യമങ്ങളിൽ ശ്രദ്ധേയമാകുന്നത്. ഒരു നാല് വയസുകാരിയാണ് വിഡിയോയിലുള്ളതെങ്കിലും വലിയൊരു പാഠമാണ് ഈ കാഴ്ച സമ്മാനിക്കുന്നത്.
റോളർ സ്‌കേറ്റിങ് മത്സരത്തിനായി നിരന്നു നിൽക്കുകയാണ് കുട്ടികൾ. കൂട്ടത്തിൽ ഏറ്റവും ചെറുത് ഒരു നാലുവയസുകാരിയാണ്. മത്സരം ആരംഭിച്ചതും മറ്റു കുട്ടികൾ മുന്നോട്ട് പാഞ്ഞു.എന്നാൽ ഈ നാലുവയസുകാരി തുടക്കത്തിൽ തന്നെ വീണുപോയി. എന്നാൽ ഒട്ടും കാത്തുനിൽക്കാതെ ചാടി എഴുന്നേറ്റ് ഒരു കുതിപ്പായിരുന്നു. അത് വിജയത്തിലേക്കുള്ള കുതിപ്പുമായിരുന്നു. മറ്റൊരു രസകരമായ കാര്യം ഇത് എട്ടു വയസിനു മുകളിൽ പ്രായമുള്ള കുട്ടികൾക്കായുള്ള റോളർ സ്‌കേറ്റിങ് മത്സരമായിരുന്നു എന്നതാണ്.
Read More:ഗൗരി കിഷൻ നായികയാകുന്ന ഉലഗമൈ ഒരുങ്ങുന്നു; ചിത്രത്തിൽ വേറിട്ട വേഷത്തിൽ നടി
പ്രചോദനകരവും ഹൃദയസ്പർശിയുമായ ഈ വിഡിയോ ഒട്ടേറെ ആളുകളാണ് കണ്ടതും സമൂഹമാധ്യമങ്ങളിൽ പങ്കുവെച്ചതും. അമ്പരപ്പിക്കുന്ന പ്രകടനങ്ങൾ കാഴ്ചവയ്ക്കുന്ന കുട്ടികളുടെ വിഡിയോ സമൂഹമാധ്യമങ്ങളിൽ എപ്പോഴും ശ്രദ്ധേയമാകാറുണ്ട്.
Story highlights-4-yearold girl’s skating performance
