നിറചിരിയോടെ കുഞ്ഞ് മഹാലക്ഷ്മി; അരികില്‍ മീനാക്ഷിയും; മക്കള്‍ക്കൊപ്പമുള്ള ചിത്രവുമായി ദിലീപ്
അവതിരിപ്പിക്കുന്ന കഥാപാത്രങ്ങളെ പരിപൂര്‍ണതയിലെത്തിക്കുന്ന ചലച്ചിത്രതാരമാണ് ദിലീപ്. നിരവധിയാണ് അദ്ദേഹത്തിനുള്ള ആരാധകരും. സമൂഹമാധ്യമങ്ങളില്‍ സജീവമാണെങ്കിലും വളരെ വിരളമായി മാത്രമാണ് താരം മക്കളുടെ ചിത്രങ്ങള്‍ പങ്കുവയ്ക്കാറുള്ളത്. കഴിഞ്ഞ ദിവസം ഭാര്യ കാവ്യാ മാധവനും മക്കള്‍ക്കുമൊപ്പമുള്ള ചിത്രം ദിലീപ് പങ്കുവെച്ചിരുന്നു.
ഇപ്പോഴിതാ മക്കള്‍ക്കൊപ്പമുള്ള മറ്റൊരു ചിത്രവും ആരാധകര്‍ക്കായി പങ്കുവെച്ചിരിക്കുകയാണ് താരം. കുഞ്ഞ് മഹാലക്ഷ്മി ദിലീപിന്റെ കൈയിലിരുന്ന് നിറഞ്ഞ് ചിരിക്കുന്നുണ്ട്. ദിലീപിന്റെ ചാരത്ത് ചേര്‍ന്ന് മകള്‍ മീനാക്ഷിയേയും കാണാം. ഓണക്കാലത്തോട് അനുബന്ധിച്ച് പകര്‍ത്തിയതാണ് ഈ ചിത്രം.
Read more: സഹോദരനെ മരണം കവര്‍ന്നു; തളരാതെ വീണ്ടും പ്രയത്‌നിച്ചു; അങ്ങനെ ആ ഗ്രാമത്തില്‍ ഒരു റോഡുണ്ടായി
ദിലീപ് കേന്ദ്ര കഥാപാതമായെത്തുന്ന ഏറ്റവും പുതിയ ചിത്രമാണ് ‘കേശു ഈ വീടിന്റെ നാഥന്‍’. ചിത്രത്തിനു വേണ്ടിയുള്ള ദിലീപിന്റെ ഗെറ്റപ്പും ചലച്ചിത്രലോകത്ത് ശ്രദ്ധ നേടിയിരുന്നു. നാദിര്‍ഷയാണ് ചിത്രത്തിന്റെ സംവിധാനം നിര്‍വഹിക്കുന്നത്. രണ്ട് വ്യത്യസ്ത ഗെറ്റപ്പിലാണ് ദിലീപ് ചിത്രത്തില്‍ പ്രത്യക്ഷപ്പെടുക. അനുശ്രീയും ചിത്രത്തില്‍ കഥാപാത്രമായെത്തുന്നുണ്ട്.
തൊണ്ടിമുതലും ദൃക്‌സാക്ഷിയും എന്ന ചിത്രത്തിന് തിരക്കഥ ഒരുക്കിയ സജീവ് പാഴൂര്‍ ആണ് ചിത്രത്തിന്റെ തിരക്കഥ. നാഥ് ഗ്രൂപ്പ് ആണ് നിര്‍മാണം. അനില്‍ നായര്‍ ഛായാഗ്രഹണം നിര്‍വഹിക്കുന്നു. ദിലീപിനും അനുശ്രീക്കും പുറമെ സിദ്ധിഖ്, സലീംകുമാര്‍, ഹരിശ്രീ അശോകന്‍, കലാഭവന്‍ ഷാജോണ്‍, ഹരീഷ് കണാരന്‍, ബിനു അടിമാലി, സ്വാസിക തുടങ്ങിയ നിരവധി താരങ്ങള്‍ ചിത്രത്തില്‍ അണിനിരക്കുന്നുണ്ട്.
Story highlights: Actor Dileep shares his family photo
