വെള്ളപ്പൊക്കത്തിൽ കുടുങ്ങിയ വാഹനം തള്ളാൻ ഉടമയെ സഹായിക്കുന്ന നായ- ഹൃദ്യം ഈ കാഴ്ച
മനുഷ്യനോട് വളരെയധികം നന്ദിയും സ്നേഹവും ഉള്ള ജീവിയാണ് നായ. എത്രകാലം കഴിഞ്ഞാലും ചേർത്തുപിടിക്കുന്നവരെ നായകൾ തിരിച്ചറിയുന്നതും സ്നേഹം പ്രകടിപ്പിക്കുന്നതും അവയുടെ ഈ പ്രത്യേകത കൊണ്ടാണ്. വീട്ടിലൊരു വളർത്തുനായ ഉണ്ടെങ്കിൽ അവ ആ വീടിന്റെ എല്ലാ കാര്യങ്ങളിലും സജീവമായിരിക്കും. ഇപ്പോഴിതാ, സ്കോട്ട്ലാൻഡിൽ നിന്നൊരു കൗതുകവും മനസ്സുനിറയ്ക്കുന്നതുമായ കാഴ്ച ശ്രദ്ധനേടുകയാണ്.
കനത്ത വെള്ളപ്പൊക്കത്തിൽ വലയുകയാണ് സ്കോട്ട്ലൻഡ് ജനത. വാഹനങ്ങൾ മുങ്ങിയും ഒഴുകിയും പോകുന്നതും ഗതാഗത തടസവുമെല്ലാം അവിടെ നിരന്തരം സംഭവിച്ചുകൊണ്ടിരിക്കുകയാണ്. ഇതിനിടയിൽ വെള്ളം പൂർണ്ണമായും പൊങ്ങുന്നതിനു മുൻപ് വാഹനം വെള്ളക്കെട്ടിൽ നിന്നും തള്ളിനീക്കുന്ന യുവതിയുടെ വിഡിയോയാണ് ശ്രദ്ധേയമാകുന്നത്.
നായ വാഹനം തള്ളിനീക്കുമ്പോൾ സുരക്ഷിതമായി വെള്ളത്തിൽ നിന്നും മാറി നിന്നിരുന്ന നായ നീന്തി എത്തുകയാണ്. മാത്രമല്ല, യുവതിക്കൊപ്പം വാഹനം തള്ളാനും നായ ശ്രമിക്കുന്നു. അവിടെ നായക്ക് സഹായിക്കാൻ സാധിക്കില്ലെങ്കിലും ഉടമയെ സഹായിക്കാനുള്ള നായയുടെ മനസിന്‌ കൈയടി ഉയരുകയാണ്.
Story highlights- dog pushes car to safety
