ഓസ്‌ട്രേലിയയിലെ പാട്ട് വേദിയില്‍ ഇന്ത്യന്‍ ഗാനം ആലപിച്ച് കൈയടി നേടിയ മലയാളിക്കുട്ടി
പാട്ട് പ്രിയപ്പെട്ടതാണ് പലര്‍ക്കും. പാട്ടുകള്‍ ഭാഷയുടേയും ദേശത്തിന്റേയും അതിരുകള്‍ കടന്നും ആസ്വാദക ഹൃദയങ്ങള്‍ കീഴടക്കാറുമുണ്ട്. അടുത്തിടെയാണ് ഓസ്‌ട്രേലിയന്‍ വേദിയില്‍ താരമായി മാറിയ മലയാളി പെണ്‍കുട്ടിയുടെ പാട്ട് വിശേഷങ്ങള്‍ സംഗീതലോകത്ത് നിറഞ്ഞത്. ഒഡീഷനില്‍ ഇന്ത്യന്‍ ഗാനം ആലപിക്കുന്ന ജാനകി എന്ന മിടുക്കിയുടെ വിഡിയോയും സമൂഹമാധ്യമങ്ങളില്‍ ശ്രദ്ധ ആകര്‍ഷിക്കുന്നു.
ദ് വോയ്‌സ് ഓസ്‌ട്രേലിയ എന്ന സംഗീത റിയാലിറ്റി ഷോയിലാണ് മലയാളി പെണ്‍കുട്ടിയായ ജാനകി ഈശ്വര്‍ താരമായത്. ഒഡീഷനില്‍ മാതേ മലയധ്വജ എന്ന ഇന്ത്യന്‍ ഗാനം ഈ മിടുക്കി ഗംഭീരമായി ആലപിച്ചു. വിധികര്‍ത്താക്കള്‍ ജാനകിയുടെ ആലാപനം ആസ്വദിക്കുന്നതും വിഡിയോയില്‍ കാണാം. പന്ത്രണ്ട് വയസ്സുകാരിയായ ഈ മിടുക്കിയുടെ ആലാപനമികവ് അന്താരാഷ്ട്ര തലത്തില്‍ കൈയടി നേടുകയാണ്.
Read more: ഈ പെര്‍ഫോമെന്‍സ് കണ്ടാല്‍ ആരും പറയും ‘മലയാളി പൊളിയാണ്, പിന്നെ ദേ ഇവരും’- ഓണം റാപ് ഫുള്‍ വിഡിയോ
ജന്മദേശം കേരളത്തിലാണെങ്കിലും മാതാപിതാക്കള്‍ക്കൊപ്പം ഓസ്‌ട്രേലിയയിലാണ് ജാനകി സ്ഥിരതാമസമാക്കിയിരിക്കുന്നത്. ഓസ്‌ട്രേലിയയിലെ ഏറെ പ്രശസ്തമായ സംഗീത റിയാലിറ്റി ഷോയാണ് ദ് വോയ്‌സ് ഓസ്‌ട്രേലിയ. ഈ പരിപാടിയില്‍ മത്സരിക്കുന്ന ഏറ്റവും പ്രായം കുറഞ്ഞ മത്സരാര്‍ത്ഥിയും ജാനകി ഈശ്വര്‍ ആണ്.
Story highlights: Janaki Singing Indian Song On The Voice Of Australia Reality Show
