ദേ, ഇങ്ങനെയാണ് കണ്ണെറിയുന്നത്- രസികൻ ഭാവങ്ങളുമായി മിയക്കുട്ടി
ഫ്‌ളവേഴ്‌സ് ടോപ് സിംഗറിലെ കുട്ടിപ്പാട്ടുകാരെല്ലാം പ്രേക്ഷകരുടെ പ്രിയപ്പെട്ടവരാണ്. മിയ, മേഘ്‌ന തുടങ്ങിയ പാട്ടുകാരിലെ ഏറ്റവും പ്രായം കുറഞ്ഞ മത്സരാർത്ഥികൾക്കാണ് ഏറ്റവുമധികം ആരാധകർ ഉള്ളത്. ഫോർട്ട് കൊച്ചിക്കാരി മിയ മെഹകിന്റെ നിഷ്കളങ്കമായ സംസാരം എപ്പോഴും പ്രേക്ഷകരുടെ മനസ്സിൽ ഇടംപിടിക്കാറുണ്ട്. ഇപ്പോഴിതാ, വിധികർത്താക്കളെ പാട്ടിന്റെ അർത്ഥം അഭിനയിച്ചു കാണിക്കുന്ന മിയക്കുട്ടിയുടെ വിഡിയോ ശ്രദ്ധേയമാകുകയാണ്.
പാട്ടിലെ വരികളിൽ ഒന്നായ കണ്ണെറിയുക എന്ന പ്രയോഗം എങ്ങനെയാണ് എന്നാണ് മിയ അഭിനയിച്ചുകാണിക്കുന്നത്. വളരെ രസകരമാണ് മിയയുടെ ‘കണ്ണെറിയൽ’ അഭിനയം. സംഗീതാസ്വാദകരുടെ ഹൃദയം കീഴടക്കുകയാണ് ഈ ഫോർട്ട് കൊച്ചിക്കാരി മിടുക്കി.
Read More: വിവാഹ നിശ്ചയ വേളയിലെ ചില ചിരി നിമിഷങ്ങൾ- രസകരമായ വിഡിയോ പങ്കുവെച്ച് ആന്റണി വർഗീസ്
പാട്ടുവേദിയിലെ ഏറ്റവും പ്രായം കുറഞ്ഞ മത്സരാർത്ഥികളിൽ ഒരാളായ മിയ രസകരമായ സംസാരവും അതിമനോഹരമായ ആലാപനവുംകൊണ്ട് മലയാളികളുടെ ഹൃദയം കീഴടക്കിയ കുറുമ്പിയാണ്. മേഘ്‌നയും മിയയും ഒന്നിച്ചു വരുന്ന എപ്പിസോഡുകൾ പ്രേക്ഷകർക്ക് ചിരി വിരുന്നുകൾ ഒരുക്കാറുണ്ട്.
Story highlights- miah mehak funny expressions
