ജെയിംസ് ബോണ്ട് സംഗീതവുമായി ‘കാക്കിക്കുള്ളിലെ കലാകാരന്മാര്‍’; വിഡിയോ
ചില സംഗീതമുണ്ട്, കാലത്തിന്റെ കുത്തൊഴുക്കില്‍പ്പെട്ട് ഒഴുകിയകലാത്ത സംഗീതം. ഭാഷയുടേയും ദേശത്തിന്റേയും അതിരുകള്‍ കടന്നും ശ്രദ്ധ നേടാറുമുണ്ട് അത്തരം മ്യൂസിക്. ജെയിംസ് ബോണ്ട് തീം സോങും ജനകോടികള്‍ ഏറ്റെടുത്ത സംഗീതമാണ്. കാലാന്തരങ്ങള്‍ക്കുമപ്പുറം ഇന്നും ഈ തീം മ്യൂസിക്കിന് പത്തരമാറ്റിന്റെ തിളക്കമുണ്ട്.
ഗംഭീരമായ ജെയിംസ് ബോണ്ട് തീം മ്യൂസിക്ക് അവതരിപ്പിച്ച് കൈയടി നേടുകയാണ് കുറച്ച് പൊലിസ് ഉദ്യോഗസ്ഥര്‍. മുംബൈ പൊലീസിലെ ഉദ്യോഗസ്ഥരുടെ ഈ സംഗീതാവിഷ്‌കാരം സമൂഹമാധ്യമങ്ങളില്‍ വൈറലായി. മുപ്പതിലധികം പൊലീസ് ഉദ്യോഗസ്ഥര്‍ വിവിധ സംഗീതോപകരണങ്ങള്‍ വായിച്ചുകൊണ്ട് ജെയിംസ് ബോണ്ട് തീം മ്യൂസിക് വീണ്ടും അവതരിപ്പിക്കുകയായിരുന്നു. മോന്റി നോര്‍മന്‍ ആവിഷ്‌കരിച്ച ഈ മാസ്മരിക സംഗീതം വീണ്ടും പിറവിയെടുത്തപ്പോള്‍ പൊലീസ് ഉദ്യോഗസ്ഥര്‍ക്ക് കൈയടിക്കുകയാണ് സംഗീതാസ്വാദകര്‍.
Read more: തെച്ചിപ്പൂവേ തെങ്കാശിപ്പൂവേ മച്ചാനെ പാരുങ്കെടി…. ഹിറ്റ് ഗാനം ഗംഭീരമാക്കി കുരുന്ന് ഗായകര്‍
സാധാരണ ദേശഭക്തി ഗാനങ്ങളിലൂടെയാണ് പൊലീസ് ഉദ്യോഗസ്ഥര്‍ ശ്രദ്ധ നേടാറ്. എന്നാല്‍ ഇതില്‍ നിന്നെല്ലാം വ്യത്യസ്തമായി ജെയിംസ് ബോണ്ട് സിനിമകളില്‍ നിന്നുള്ള സംഗീതം ആവിഷ്‌കരിച്ചപ്പോള്‍ ഈ പ്രകടനം ഹിറ്റായി. നിരവധിപ്പേരാണ് ഈ പൊലീസ് ഉദ്യോഗസ്ഥരെ അഭിനന്ദിച്ചുകൊണ്ട് രംഗത്തെത്തുന്നതും. കേരളാ പൊലീസിനെ പോലും മുംബൈ പൊലീസും സമൂഹമാധ്യമങ്ങളില്‍ സജീവമാണ്.
Story highlights: Mumbai Police band plays iconic James Bond theme music in epic viral video
