അടുക്കളത്തോട്ടം ഒരുക്കാൻ മണ്ണുമാന്തിയും വിത്തുപാകിയും യുവതിയെ സഹായിക്കുന്ന നായ- കൗതുക കാഴ്ച
മനുഷ്യനോട് സ്നേഹവും അങ്ങേയറ്റം നന്ദിയുമുള്ള ജീവിയാണ് നായ. സ്നേഹത്തിന്റെ കാര്യത്തിൽ മാത്രമല്ല, സഹായങ്ങളിലും അവ മുൻപന്തിയിലാണ്. ഒരു നേരത്തെ ആഹാരം കൊടുത്തവരോട് പോലും നന്ദി പ്രകടിപ്പിക്കുന്ന നായകളുടെ മനസ് നിറയ്ക്കുന്ന വിഡിയോകൾ സമൂഹമാധ്യമങ്ങളിലൂടെ ശ്രദ്ധേയമാകാറുണ്ട്. ഇപ്പോഴിതാ, അടുക്കളത്തോട്ടം ഒരുക്കാൻ യുവതിയെ സഹായിക്കാൻ നായയുടെ കാഴ്ച ശ്രദ്ധനേടുകയാണ്.
മേരി & സീക്രട്ട് എന്ന ഇൻസ്റ്റാഗ്രാം അക്കൗണ്ടിൽ പങ്കുവെച്ച വിഡിയോയിലാണ് സീക്രട്ട് എന്ന നായ ഉടമയായ മേരിക്കൊപ്പം അടുക്കളത്തോട്ടം ഒരുക്കുന്നത്. മേരി മണ്ണുമാന്തി വിത്ത് കുഴിച്ചിടുമ്പോലെ നായയും ചെയ്യുകയാണ്. മണ്ണുമാന്തുകയും വിത്തിടുകയും മാത്രമല്ല, മണ്ണെല്ലാം ചവിട്ടി ഉറപ്പിക്കുന്നുമുണ്ട് സീക്രട്ട്. അതോടൊപ്പം, വെള്ളം നനയ്ക്കാനും ഈ മിടുക്കനായ നായ സഹായം എത്തിക്കുന്നുണ്ട്.
മുൻപ് യോഗ ചെയ്യുന്നതിലൂടെയും സീക്രട്ട് എന്ന നായ ശ്രദ്ധനേടിയിരുന്നു. മനുഷ്യനോട് വളരെയധികം നന്ദിയും സ്നേഹവും ഉള്ള ജീവിയാണ് നായ. എത്രകാലം കഴിഞ്ഞാലും ചേർത്തുപിടിക്കുന്നവരെ നായകൾ തിരിച്ചറിയുന്നതും സ്നേഹം പ്രകടിപ്പിക്കുന്നതും അവയുടെ ഈ പ്രത്യേകത കൊണ്ടാണ്. വീട്ടിലൊരു വളർത്തുനായ ഉണ്ടെങ്കിൽ അവ ആ വീടിന്റെ എല്ലാ കാര്യങ്ങളിലും സജീവമായിരിക്കും.
Story highlights- Pet dog does gardening with her owner
