കേന്ദ്ര കഥാപാത്രങ്ങളായി ഷെയ്ന്‍ നിഗവും വിനയ് ഫോര്‍ട്ടും; ശ്രദ്ധ നേടി ‘ബര്‍മുഡ’ പോസ്റ്റര്‍
അവതരിപ്പിക്കുന്ന ഓരോ കഥാപാത്രങ്ങളേയും പരിപൂര്‍ണതയിലെത്തിക്കുന്ന താരങ്ങളാണ് ഷെയ്ന്‍ നിഗവും വിനയ് ഫോര്‍ട്ടും. ഇരുവരും ഒരുമിച്ചെത്തുന്ന പുതിയ ചിത്രം ഒരുങ്ങുന്നു. ബര്‍മുഡ എന്നാണ് ചിത്രത്തിന്റെ പേര്. ചിത്രത്തിന്റേതായി പുറത്തിറങ്ങിയ പോസ്റ്ററും ചലച്ചിത്ര ലോകത്ത് ശ്രദ്ധ ആകര്‍ഷിക്കുന്നു. ടി കെ രാജീവ് കുമാര്‍ ആണ് ചിത്രത്തിന്റെ സംവിധാനം നിര്‍വഹിക്കുന്നത്.
രസകരമായ രീതിയിലാണ് പോസ്റ്റര്‍ തയാറാക്കിയിരിക്കുന്നത്. ‘നാളെ തിയേറ്റര്‍ തുറക്കുന്നു’ എന്ന ടാഗ് ലൈനും പോസ്റ്ററിലുണ്ട്. കൊവിഡ്കാലത്ത് തിയേറ്ററുകള്‍ നിലവില്‍ തുറക്കാന്‍ സാധ്യതയില്ലത്താ സാഹചര്യത്തിലാണ് ഇത്തരത്തിലൊരു ടാഗ് ലൈന്‍ ബര്‍മുഡയുടെ പോസ്റ്ററില്‍ നല്‍കിയിരിക്കുന്നത്. എന്തായാലും ഈ വാചകത്തിലൂടെ പ്രേക്ഷക ശ്രദ്ധ നേടിയിരിക്കുകയാണ് ബര്‍മുഡയുടെ പോസ്റ്റര്‍.
Read more: മണിച്ചിത്രത്താഴില്‍ കറുത്തമ്മയും കൊച്ചുമുതലാളിയും ആയിരുന്നെങ്കില്‍ ദേ ഇതുപോലെ: ചിരിവിഡിയോ
കൃഷ്ണകുമാര്‍ പിങ്കിയാണ് ചിത്രത്തിന് തിരക്കഥ ഒരുക്കിയിരിക്കുന്നത്. 24 ഫ്രെയിംസിന്റെ ബാനറില്‍ സൂരജ് സി കെ, ബിജു സി ജെ, ബാദുഷ എന്‍ എം എന്നിവര്‍ ചേര്‍ന്നാണ് ചിത്രത്തിന്റെ നിര്‍മാണം. രമേശ് നാരായണന്‍ ആണ് ചിത്രത്തിന്റെ സംഗീത സംവിധാനം നിര്‍വഹിക്കുന്നത്. രമേഷ് പിഷാരടിയാണ് കൗതുകമുണര്‍ത്തുന്ന ചിത്രത്തിന്റെ പുതിയ പോസ്റ്റര്‍ സമൂഹമാധ്യമങ്ങളിലൂടെ ആരാധകര്‍ക്കായി പങ്കുവെച്ചത്.
Story highlights: Barmuda Starring Shane Nigam and Vinay Fort
