‘ആയുസ് വർധിപ്പിക്കും’; സോഷ്യൽ ഇടങ്ങളിൽ കൗതുകമായ വീടിന് പിന്നിൽ…

ജീവിതത്തിലെ ഏറ്റവും മനോഹരമായ നിമിഷങ്ങൾ പ്രിയപ്പെട്ടവർക്കൊപ്പം ചിലവഴിക്കുന്ന ഇടമാണ് വീട്. അതുകൊണ്ടുതന്നെ തങ്ങളുടെ വീട് ഏറ്റവും മനോഹരമായിരിക്കാൻ ആഗ്രഹിക്കുന്നവരാണ് മിക്കവരും. നിർമിതിയിലും രൂപത്തിലുമെല്ലാം വ്യത്യസ്തത പുലർത്തുന്ന നിരവധി വീടുകൾ ഇതിനോടകം സോഷ്യൽ ഇടങ്ങളുടെ അടക്കം ശ്രദ്ധ നേടിക്കഴിഞ്ഞു. കഴിഞ്ഞ കുറച്ച് ദിവസങ്ങളായി സോഷ്യൽ ഇടങ്ങളിൽ വൈറലാകുകയാണ് ഒരു വീടും അതിന്റെ നിർമിതിയിലെ പ്രത്യേകതകളും. ഈ വീട്ടിൽ താമസിച്ചാൽ ആയുസ് വർധിക്കും എന്നാണ് ഈ വീടിന്റെ നിർമാതാക്കളുടെ അവകാശവാദം.

ന്യൂയോർക്കിലെ ഈസ്റ്റ് ഹാപ്റ്റനിലാണ് ഈ അത്ഭുത വീട് സ്ഥിതിചെയ്യുന്നത്. 2008 ൽ മാഡലിൻ ജിൻസ്- ഷുസാകു അരാകാവ എന്നീ ദമ്പതികൾ ചേർന്നാണ് ഈ വീടൊരുക്കിയത്. വീടിന്റെ നിർമാണത്തിലെ പ്രത്യേകതകൾ പ്രകാരം ഇവിടെ താമസിക്കുന്നവർക്ക് മരണത്തെ ഭയക്കേണ്ടതില്ല. മനുഷ്യന്റെ വിധിയെ വിപരീത ദിശയിലേക്ക് നയിക്കാൻ ഉള്ള കഴിവ് ഈ വീടിനുണ്ട്. നിരവധി വ്യത്യസ്ത നിറത്തിലുള്ള പെയിന്റിങ്ങുകയാണ് ഈ വീടിന് നൽകിയിരിക്കുന്നത്. നിരപ്പായ തറയ്ക്ക് പകരം പലയിടങ്ങലിളും കൂട്ടിയിട്ടിരിക്കുന്ന മൺകൂനകൾ പോലെയാണ് ഇവയുടെ ഫ്ലോറിന്റെ നിർമാണം. വീടിനകത്തുകൂടി നടക്കുമ്പോൾ വീഴാതിരിക്കാനായി തൂണുകളും നിർമിച്ചിട്ടുണ്ട്.

Read also: അനുകരണകലയിൽ അതിശയിപ്പിച്ച് ഒരു പക്ഷി; ഹിറ്റായി കുഞ്ഞുങ്ങളുടെ ശബ്ദത്തിൽ കരയുന്ന വിഡിയോ

ഈ വീടിന്റെ അടുക്കളയാണ് ഇതിന്റെ മറ്റൊരു പ്രത്യേകത. വീടിന്റെ നടുഭാഗത്തായാണ് അടുക്കള ഒരുക്കിയിരിക്കുന്നത്. എന്നാൽ തറയിൽ നിന്നും കുറച്ച് ഉയരത്തിലുള്ള ഒരു കുഴിയിലാണ് അടുക്കള ഒരുക്കിയിരിക്കുന്നത്. അതുകൊണ്ടുതന്നെ പുറത്തുനിന്ന് നോക്കുമ്പോൾ അടുക്കള വേഗത്തിൽ കാണാൻ സാധിക്കില്ല. കൃത്യമായ രൂപഘടന ഇല്ലാതെയാണ് ഈ വീട് ഒരുക്കിയിരിക്കുന്നത്. ഇതുകൂടാതെ ഇതിന്റെ നിർമാണത്തിൽ ഇനിയും നിരവധി പ്രത്യേകതകൾ ഉണ്ട്. വീട് നിർമാണത്തിലെ ഈ പ്രത്യേകത മനസിന് കൂടുതൽ ഉന്മേഷവും ശക്തിയും നൽകും. ഇത്തരത്തിലുള്ള ഈ പ്രത്യേകതകൾ പ്രകാരം ഇവിടെ താമസിക്കുന്നവർക്ക് ആയുർദൈർഘ്യം വർധിക്കും എന്നാണ് ഈ വീടിന്റെ ഉടമസ്ഥർ വാദിക്കുന്നത്.

Story highlights: Secret behind the House that helps you live longer