അപ്പു, എന്നെന്നും പ്രിയപ്പെട്ട കഥാപാത്രം; എന്ന് നിന്റെ മൊയ്തീന്റെ ഓര്‍മകളില്‍ ടൊവിനോ തോമസ്
അപ്പു; മലയാളികള്‍ എന്നും ഹൃദയത്തോട് ചേര്‍ത്തുവയ്ക്കുന്ന കഥാപാത്രങ്ങളിലൊന്നാണ്. എന്ന് നിന്റെ മൊയ്തീന്‍ എന്ന ചിത്രത്തില്‍ ടൊവിനോ തോമസ് അനശ്വരമാക്കിയ ഈ കഥാപാത്രം പ്രണയത്തിന്റെയും സൗഹൃദത്തിന്റേയും എല്ലാം പ്രതിഫലനംകൂടിയായിരുന്നു. അഭിനയ മികവുകൊണ്ട് ടൊവിനോ തോമസ് ഈ കഥാപാത്രത്തെ പരിപൂര്‍ണതയിലെത്തിക്കുകയും ചെയ്തു.
എന്ന് നിന്റെ മൊയ്തീന്‍ എന്ന ചിത്രത്തിന്റേയും അപ്പു എന്ന കഥാപാത്രത്തിന്റേയും ഓര്‍മകള്‍ പങ്കുവെച്ചിരിക്കുകയാണ് ടൊവിനോ തോമസ്. ചിത്രം പ്രേക്ഷകരിലേക്കിത്തിയിട്ട് ആറ് വര്‍ഷം തികയുമ്പോഴാണ് താരം പ്രിയപ്പെട്ട കഥാപാത്രത്തെക്കുറിച്ച് പങ്കുവെച്ചത്. സമൂഹമാധ്യമങ്ങളില്‍ അപ്പു എന്ന കഥാപാത്രത്തെക്കുറിച്ച് ഹൃദ്യമായ ഒരു കുറിപ്പും ടൊവിനോ തോസമസ് പങ്കുവെച്ചിട്ടുണ്ട്.
Read more: മണിച്ചിത്രത്താഴില്‍ കറുത്തമ്മയും കൊച്ചുമുതലാളിയും ആയിരുന്നെങ്കില്‍ ദേ ഇതുപോലെ: ചിരിവിഡിയോ
ഇതുവരെ ചെയ്തിട്ടുള്ളതില്‍ വെച്ച് ഏറ്റവും പ്രിയപ്പെട്ട കഥാപാത്രം എന്നാണ് അപ്പുവിനെ ടൊവനോ വിശേഷിപ്പിച്ചത്. ഹൃദയത്തില്‍ എന്നും സൂപ്പര്‍ ഫ്രഷ് ആണ് ഈ കഥാപാത്രം എന്നും താരം കൂട്ടിച്ചേര്‍ത്തു. ‘ഓരോ അഭിനേതാക്കള്‍ക്കും സിനിമാ ജിവിതത്തില്‍ കൂടുതല്‍ കരുത്തായിട്ടുള്ള ഒരു കഥാപാത്രം ഉണ്ടാകും. എന്ന് നിന്റെ മൊയ്തീന്‍ എന്ന ചിത്രത്തിലെ അപ്പു എന്ന കഥാപാത്രമാണ് എനിക്ക് അങ്ങനെയുള്ളത്’ ടൊവിനോ കുറിച്ചു.
കാഞ്ചനമാലയുടേയും മൊയ്തീന്റേയും അനശ്വരമായ പ്രണയം പറഞ്ഞുകൊണ്ട് പ്രേക്ഷകരിലേക്കെത്തിയ ചിത്രമാണ് എന്ന് നിന്റെ മൊയ്തീന്‍. 2015-ല്‍ പ്രേക്ഷകരിലേക്കെത്തിയ ചിത്രം മികച്ച സ്വീകാര്യതയും നേടി. പൃഥ്വിരാജ് സുകുമാരനും പാര്‍വതിയുമായിരുന്നു ചിത്രത്തിലെ കേന്ദ്ര കഥാപാത്രങ്ങള്‍. ആര്‍ എസ് വിമല്‍ ആണ് ചിത്രത്തിന്റെ സംവിധാനം നിര്‍വഹിച്ചത്.
Story highlights: Tovino Thomas about Ennu Ninte Moideen
