സംസ്ഥാനത്ത് തിയേറ്ററുകള്‍ തുറക്കാന്‍ അനുമതി; ഈ മാസം 25 മുതൽ പ്രവർത്തനം ആരംഭിക്കാം
കൊറോണ വൈറസിന്റെ വ്യാപനം മൂലം കേരളത്തിൽ മാസങ്ങളായി അടഞ്ഞുകിടന്ന സിനിമ തിയേറ്ററുകൾ തുറക്കാൻ അനുമതി. ഈ മാസം 25 മുതലാണ് തിയേറ്ററുകള്‍ തുറക്കാന്‍ അനുമതി നൽകിയിരിക്കുന്നത്.
മുഖ്യമന്ത്രി പിണറായി വിജയന്റെ അധ്യക്ഷതയില്‍ ചേര്‍ന്ന കൊവിഡ് അവലോകന യോഗത്തിലാണ് തിയേറ്ററുകൾ തുറക്കുന്നത് സംബന്ധിച്ച് തീരുമാനമായത്. അതേസമയം 50 ശതമാനം സീറ്റുകളില്‍ മാത്രം പ്രവേശനം അനുവദിച്ചുകൊണ്ടായിരിക്കും തിയേറ്ററുകൾ തുറക്കുക.
Read also: നിഗൂഢതകൾ പേറിയ കല്ല് വനം; പ്രകൃതി ഒരുക്കിയ അത്ഭുതപ്രതിഭാസത്തിന് പിന്നിൽ…
അതേസമയം സംസ്ഥാനത്ത് ഈ മാസം 18 മുതല്‍ എല്ലാ കോളജുകൾ തുറക്കാനും തീരുമാനം ആയിട്ടുണ്ട്. കോളേജിൽ പ്രവേശിക്കുന്ന മുഴുവൻ വിദ്യാര്‍ത്ഥികളും അധ്യാപകരും മറ്റ് ജീവനക്കാരും രണ്ട് ഡോസ് കൊവിഡ് വാക്‌സിന്‍ സ്വീകരിച്ചിരിക്കണം എന്നും അധികൃതർ അറിയിച്ചിട്ടുണ്ട്. ഇതിന് പുറമെ വിവാഹ ചടങ്ങുകളില്‍ പങ്കെടുക്കുന്നവരുടെ എണ്ണം 50 ആക്കി ഉയര്‍ത്താനും മുഖ്യമന്ത്രിയുടെ അവലോകന യോഗത്തില്‍ തീരുമാനിച്ചിട്ടുണ്ട്.
Story highlights: Theatre reopening at kerala
