എല്ലാം ശരിയാക്കാൻ ആസിഫ് അലി; ശ്രദ്ധനേടി വിഡിയോ
മലയാളി പ്രേക്ഷകർ കാത്തിരിക്കുന്ന ആസിഫ് അലി ചിത്രമാണ് എല്ലാം ശരിയാകും. സിനിമ ആസ്വാദകർക്ക് ഒരുപിടി മികച്ച ചിത്രങ്ങള്‍ സമ്മാനിച്ച ജിബു ജേക്കബ്ബ് ആണ് ചിത്രത്തിന്റെ സംവിധാനം നിര്‍വഹിക്കുന്നത്. നവംബർ 19 ന് തിയേറ്ററിലേക്ക് എത്തുന്ന ചിത്രത്തിന്റെ ഒരു വിഡിയോയാണ് ഇപ്പോൾ സിനിമ ആസ്വാദകരിൽ ആവേശം നിറയ്ക്കുന്നത്. ആസിഫ് അലി അവതരിപ്പിക്കുന്ന സഖാവ് വിനീത് എന്ന കഥാപാത്രത്തിന്റെ ക്യാരക്ടർ പ്രോമോയാണ് പുറത്തുവിട്ടിരിക്കുന്നത്.
രജിഷ വിജയനാണ് ചിത്രത്തിൽ നായികയായി വേഷമിടുന്നത്. മികച്ച പ്രേക്ഷക സ്വീകാര്യത നേടിയ ‘അനുരാഗ കരിക്കിന്‍വെള്ളം’ എന്ന ചിത്രത്തിന് ശേഷം ആസിഫ് അലിയും രജിഷ വിജയനും ഒരുമിക്കുന്ന ചിത്രം എന്ന പ്രത്യേകതയുമുണ്ട് ‘എല്ലാം ശരിയാകും’ എന്ന സിനിമയ്ക്ക്.
തോമസ് തിരുവല്ല, ഡോ. പോള്‍ വര്‍ഗീസ് എന്നിവര്‍ ചേര്‍ന്നാണ് ചിത്രത്തിന്റെ നിര്‍മാണം. ഷാരിസ് ചിത്രത്തിന് തിരക്കഥ ഒരുക്കിയിരിക്കുന്നത്. ഔസേപ്പച്ചനാണ് ചിത്രത്തിന്റെ സംഗീതം ഒരുക്കുന്നത്. ബി കെ ഹരിനാരായണന്റേതാണ് ചിത്രത്തിലെ ഗാനങ്ങളുടെ വരികള്‍. ശ്രീജിത് നായര്‍ ഛായാഗ്രഹണം നിര്‍വഹിക്കുന്നു. കുടുംബ പശ്ചാത്തലത്തില്‍ ഒരുങ്ങുന്ന ചിത്രമാണ് ‘എല്ലാം ശരിയാകും’.
Story highlights: Asif Ali ellam Sheriyakum video
