സൗബിൻ സാഹിറും ഉർവശിയും ഒന്നിക്കുന്നു; ‘ഒരു പോലീസുകാരന്റെ മരണം’ ടൈറ്റിൽ പോസ്റ്റർ പങ്കുവെച്ച് മമ്മൂട്ടി
മലയാളത്തിന്റെ പ്രിയതാരങ്ങളായ ഉർവശിയും സൗബിൻ സാഹിറും ഒന്നിക്കുന്ന ഏറ്റവും പുതിയ ചിത്രം ഒരുങ്ങുന്നു. ‘ഒരു പോലീസുകാരന്റെ മരണം’ എന്ന് പേരിട്ടിരിക്കുന്ന ചിത്രം സംവിധാനം ചെയ്യുന്നത് നവാഗതയായ രമ്യ അരവിന്ദാണ്. ചലച്ചിത്രതാരം മമ്മൂട്ടിയുടെ സമൂഹമാധ്യമത്തിൽ കൂടിയാണ് ചിത്രത്തിന്റെ ടൈറ്റിൽ പോസ്റ്റർ പങ്കുവെച്ചിരിക്കുന്നത്. അതേസമയം ഒരിടവേളയ്ക്ക് ശേഷം ഉർവശി മലയാളത്തിൽ കേന്ദ്രകഥാപാത്രത്തെ അവതരിപ്പിക്കുന്ന ചിത്രം എന്ന പ്രത്യേകതയും ഒരു പോലീസുകാരന്റെ മരണത്തിനുണ്ട്.
ദുരൂഹസാഹചര്യത്തിൽ ഒരു പൊലീസുകാരൻ മരിക്കുന്നതും അതിനെത്തുടർന്ന് ഉണ്ടാകുന്ന സംഭവങ്ങളുമാണ് ചിത്രത്തിന്റെ പ്രമേയം. വൈശാഖ് സിനിമാസിന്റെയും റയൽ ക്രിയേഷൻസിന്റെയും ബാനറിൽ വൈശാഖ് രാജൻ ആണ് ചിത്രം നിർമിക്കുന്നത്. ബിനു പപ്പു, കോട്ടയം രമേഷ്, തെസ്നി ഖാൻ, മുത്തുമണി തുടങ്ങിയവരും ചിത്രത്തിൽ അഭിനയിക്കുന്നുണ്ട്.
Read also: ‘ഞാൻ ഇല്ലാതായാൽ നീ സൈന്യത്തിൽ ചേരണം’: ഭർത്താവിന്റെ അവസാന വാക്കുകൾ നിറവേറ്റി ജ്യോതി, സല്യൂട്ട്
അതേസമയം സൗബിന്റെതായി അവസാനം പ്രേക്ഷകരിലേക്കെത്തിയ ചിത്രം ചുരുളിയാണ്. ലിജോ ജോസ് പെല്ലിശ്ശേരി സംവിധാനം ചെയ്ത ചുരുളിയിൽ ഗസ്റ്റ് റോളിലാണ് താരം എത്തിയത്. ലാൽ ജോസ് സംവിധാനം ചെയ്ത മ്യാവു ആണ് താരത്തിന്റേതായി റിലീസിനൊരുങ്ങുന്ന ചിത്രം. മലയാളത്തിൽ വരനെ ആവശ്യമുണ്ട് എന്ന ചിത്രത്തിലാണ് ഉർവശി അവസാനമായി എത്തിയത്. തെന്നിന്ത്യൻ സിനിമ മേഖലയിൽ തിരക്കുള്ള താരമായി മാറിയ ഉർവശിയുടേതായി നിരവധി അന്യഭാഷാ ചിത്രങ്ങളും അണിയറയിൽ ഒരുങ്ങുന്നുണ്ട്.
Story highlights; mammootty shares about oru policekarante maranam
