ലോട്ടറി നറുക്കെടുപ്പിൽ 10 കോടി നേടിയെന്നറിഞ്ഞപ്പോഴുള്ള യുവാവിന്റെ പ്രതികരണം- ശ്രദ്ധനേടിയ കാഴ്ച
ഭാഗ്യാന്വേഷികളെല്ലാം ഒരുപോലെ ആശ്രയിക്കുന്ന ഒന്നാണ് ലോട്ടറി. ജീവിതത്തിൽ ഒരിക്കലെങ്കിലും ലോട്ടറി എടുക്കാത്തവർ ചുരുക്കമാണ്. അല്പം വിവേകത്തോടെ ചിലവഴിച്ചാൽ ലോട്ടറി നേടുന്നത് ജീവിതത്തെ മാറ്റിമറിക്കുന്ന അനുഭവം തന്നെയാണ്. ചെറിയ തുകയായാലും ലോട്ടറി അടിച്ചാൽ ആ സന്തോഷം ഒന്ന് വേറെ തന്നെയാണ്. അപ്പോൾ 10 കോടി രൂപ ലോട്ടറി അടിച്ചാലോ?
ഭാഗ്യപരീക്ഷണം ആയതുകൊണ്ടുതന്നെ നറുക്കെടുപ്പ് ഫലത്തിനായി പലരും പ്രതീക്ഷയോടെ കാത്തിരിക്കും, പക്ഷെ ഒരിക്കലും ആ സന്തോഷനിമിഷം ക്യാമറയിൽ പകർത്തിയിട്ടുണ്ടാകില്ല. എന്നാൽ, ജീവിതം മാറ്റിമറിച്ച നിമിഷം, ആ സന്തോഷത്തിന്റെ നിമിഷം ക്യാമറയിൽ പകർത്തിയ കാഴ്ച ശ്രദ്ധനേടുകയാണ്.
ടെറി കെന്നഡി എന്ന വ്യക്തിയ്ക്ക് അന്നും ജോലിസ്ഥലത്ത് ഒരു സാധാരണ ദിവസമായിരുന്നു. എന്നാൽ ലോട്ടറി നറുക്കെടുപ്പിന്റെ ഫലം നോക്കുന്ന കെന്നഡിയുടെ വിഡിയോ സഹപ്രവർത്തകൻ പകർത്തി. അപ്രതീക്ഷിതവും ആകസ്മികവുമായി ലോട്ടറിയടിച്ചത് 10 കോടി രൂപ. ജീവിതം മാറ്റിമറിച്ച ആ ഫല പ്രഖ്യാപനത്തോട് അദ്ദേഹം പ്രതികരിക്കുന്ന വിഡിയോ വൈറലായിരിക്കുകയാണ്.
ലോട്ടറി അടിച്ചെന്ന് അറിഞ്ഞതിന് ശേഷം തനിക്ക് ഭ്രാന്തായതാണോ എന്നൊക്കെയാണ് ടെറി കെന്നഡി ആദ്യം കരുതിയത്. തുടർന്ന് അദ്ദേഹം ലോട്ടറി അതോറിറ്റിയെ വിളിച്ച് വാർത്ത സ്ഥിരീകരിക്കുകയായിരുന്നു. അദ്ദേഹത്തിന്റെ സ്വകാര്യതയെ മാനിച്ച് വിഡിയോ പിന്നീട് പിൻവലിച്ചു. എങ്കിലും ചിത്രങ്ങൾ സമൂഹമാധ്യമങ്ങളിൽ ശ്രദ്ധ നേടുകയാണ്.
വിഡിയോയിൽ ഫലപ്രഖ്യാപനസമയത്ത് മുഖം മറച്ച് ശ്വാസമടക്കിപ്പിടിച്ച് കാത്തിരിക്കുന്ന കെന്നഡിയെ കാണാം. ഒടുവിൽ ഓപ്പറേറ്റർ വാർത്ത സ്ഥിരീകരിച്ചപ്പോൾ അമ്പരപ്പായിരുന്നു മുഖത്ത്. 2011-ൽ ഷെഫീൽഡ് യുണൈറ്റഡിനായി വിരമിച്ച ഒരു പ്രൊഫഷണൽ ഫുട്ബോൾ കളിക്കാരനാണ് ടെറി. ആവർത്തിച്ചുള്ള പരിക്കുകൾ കാരണം കരിയർ മികവുപുലർത്തിയില്ല. മറ്റ് ജോലികളിൽ ആശ്രയിക്കേണ്ടി വരികയായിരുന്നു അദ്ദേഹത്തിന്.
Sory highlights- Moment man realises he’s won Rs 10 crore
