ജയ് ഭീമിന് ശേഷം എതർക്കും തുനിന്തവനുമായി സൂര്യ; ചിത്രം തിയേറ്ററിലേക്ക്
തമിഴകത്തിന് പുറമെ മലയാളത്തിലും ഏറെ ആരാധകരുള്ള താരമാണ് സൂര്യ. ജയ് ഭീമാണ് സൂര്യയുടേതായി അവസാനം പ്രേക്ഷകരിലേക്കെത്തിയ ചിത്രം. മികച്ച സ്വീകാര്യതയാണ് ചിത്രത്തിന് ലഭിച്ചത്. ഇപ്പോഴിതാ തിയേറ്ററിലേക്ക് എത്തുന്ന മറ്റൊരു സൂര്യ ചിത്രത്തിന്റെ വിശേഷങ്ങളാണ് ആരാധകരിൽ ആവേശമാകുന്നത്. എതർക്കും തുനിന്തവൻ എന്ന് പേരിട്ടിരിക്കുന്ന ചിത്രം സംവിധാനം ചെയ്യുന്നത് പാണ്ടിരാജ് ആണ്.
അടുത്ത വർഷം ഫെബ്രുവരിയിൽ തിയേറ്ററിലേക്ക് എത്തുന്ന ചിത്രത്തിന്റെ പ്രോമോ വിഡിയോ പങ്കുവെച്ചിരിക്കുകയാണ് അണിയറപ്രവർത്തകർ. പ്രിയങ്ക മോഹൻ നായികയായി എത്തുന്ന ചിത്രത്തിൽ സത്യരാജ്, സൂരി, ശരണ്യ പൊൻവണ്ണൻ, ദേവദർശിനി, ജയപ്രകാശ് തുടങ്ങിയ താരങ്ങളും ചിത്രത്തിൽ അഭിനയിക്കുന്നുണ്ട്. സൺ പിക്ചേഴ്സാണ് ചിത്രം നിർമിക്കുന്നത്. അതേസമയം ഒരിടവേളയ്ക്ക് ശേഷം തിയേറ്ററിൽ എത്തുന്ന സൂര്യ ചിത്രമാണ് എതർക്കും തുനിന്തവൻ.
ജയ് ഭീമാണ് താരത്തിന്റേതായി അവസാനം കാഴ്ചക്കാരിലേക്ക് എത്തിയത്. സംവിധായകൻ ജ്ഞാനവേൽ ഒരുക്കിയ ചിത്രത്തിൽ ചന്ദ്രു എന്ന അഭിഭാഷകന്റെ വേഷത്തിലാണ് സൂര്യ എത്തുന്നത്. ചിത്രത്തിലെ പ്രധാന കഥാപാത്രം സെൻഗിണിയായി വേഷമിട്ടത് മലയാളി താരം ലിജോ മോളാണ്.
#EtharkkumThunindhavan is releasing on Feb 4th, 2022!@Suriya_offl @pandiraj_dir #Sathyaraj @immancomposer @RathnaveluDop #SaranyaPonvannan #MSBhaskar @priyankaamohan #Vinay @sooriofficial @AntonyLRuben @VijaytvpugazhO #ETOnFeb4th pic.twitter.com/hwuwEkX3Bm
— Sun Pictures (@sunpictures) November 19, 2021
Story highlights; Suriya etharkkum thunindhavan movie
