എഴുതിയതാണെന്ന് വിശ്വസിക്കാനാകില്ല, അത്രക്ക് മനോഹരം; മികവാർന്ന കൈയക്ഷരത്തിലൂടെ കൈയടി നേടി യുവതി- വിഡിയോ
ഒരു വ്യക്തിയുടെ ചിട്ടയെയും സ്വഭാവത്തെയുമെല്ലാം വിലയിരുത്താൻ കൈയക്ഷരത്തിന് സാധിക്കും എന്ന് കേട്ടിട്ടില്ലേ. നല്ല കയ്യക്ഷരം ആളുകളെ ആകർഷിക്കുകയും ചെയ്യും. ഇന്നത്തെ ഡിജിറ്റൽ യുഗത്തിൽ പലരും മികവാർന്ന കൈയക്ഷരം ബഹുമാനിക്കാൻ അർഹമായ ഒരു വൈദഗ്ധ്യമായി കാണുന്നു. കാരണം നമ്മളിൽ പലരും എഴുതുന്നവരല്ല. അതുകൊണ്ടുതന്നെ യുട്യൂബിൽ ഹിറ്റായി മാറിയിരിക്കുകയാണ് ഒരു യുവതിയുടെ അതിമനോഹരമായ കൈയക്ഷരം.
യുട്യുബറായ ചാം ആണ് കൈയക്ഷരത്തിലൂടെ അമ്പരപ്പിക്കുന്നത്. വ്യത്യസ്ത തരത്തിലുള്ള കൈയക്ഷരത്തെക്കുറിച്ചുള്ള പടങ്ങൾ യൂട്യൂബിലൂടെ പങ്കുവെച്ചാണ് ചാം ശ്രദ്ധനേടിയത്. കൈയക്ഷരത്തെക്കുറിച്ചുള്ള പാഠങ്ങൾ മുതൽ പേപ്പറിൽ എങ്ങനെ ആകർഷകമായി എഴുതാം എന്നതുവരെ യുവതി വ്യക്തമാക്കുന്നു പേനയും പെൻസിലും ഉപയോഗിച്ച് വാക്കുകൾ മനോഹരമാക്കാനുള്ള കഴിവ് വീഡിയോകളിലൂടെ ഇവർ പുറത്തുവിട്ടിട്ടുണ്ട്.
മെഷീൻ ഉപയോഗിച്ച് ചെയ്യുന്ന കാലിഗ്രാഫിയെക്കാളും അല്ലെങ്കിൽ റൈറ്റിംഗ് ആപ്ലിക്കേഷനുകളിൽ ഉപയോഗിക്കുന്ന ഫോണ്ടുകളേക്കാളും മികച്ചതാണ് ചാമിന്റെ കൈയക്ഷരം എന്ന് പറയാതിരിക്കാൻ വയ്യ. ലക്ഷക്കണക്കിന് ആളുകളാണ് ഓരോ വിഡിയോക്കും കമന്റ് ചെയ്തിരിക്കുന്നത്.
Story highlights- aesthetic handwriting
