വർഷങ്ങൾക്ക് ശേഷം പ്രിയതാരങ്ങൾക്കൊപ്പം- ചിത്രങ്ങൾ പങ്കുവെച്ച് ദിവ്യ ഉണ്ണി
മലയാളികൾക്ക് ഏറെ പ്രിയപ്പെട്ട നടിയാണ് ദിവ്യ ഉണ്ണി. നൃത്തത്തിലും അഭിനയത്തിലും ഒരുപോലെ മികവ് പുലർത്തുന്ന ദിവ്യ ഉണ്ണി വിവാഹശേഷം സിനിമയിൽ സജീവമല്ല. നൃത്തം എന്നും ഹൃദയത്തോട് ചേർത്തുപിടിക്കുന്ന താരം അമേരിക്കയിൽ ഇപ്പോൾ ഡാൻസ് സ്‌കൂൾ നടത്തുകയാണ്. വർഷങ്ങൾക്ക് ശേഷം ദിവ്യ ഉണ്ണി സിനിമാതാരങ്ങൾക്കൊപ്പം ഒത്തുചേർന്നത് അമ്മ സംഘടനയുടെ തെരെഞ്ഞെടുപ്പിനാണ്. അന്ന് പകർത്തിയ ചിത്രങ്ങൾ ആരാധകരുമായി ദിവ്യ ഉണ്ണി പങ്കുവെച്ചിരുന്നു.
ഇപ്പോഴിതാ, വർഷങ്ങൾക്ക് ശേഷം താരങ്ങൾക്കൊപ്പം ചിത്രം പകർത്തിയ സന്തോഷം പങ്കുവയ്ക്കുകയാണ് നടി. മുൻപ് ഒപ്പം അഭിനയിച്ചിട്ടുള്ള താരങ്ങൾക്കൊപ്പമുള്ള ചിത്രങ്ങളാണ് നടി പങ്കുവെച്ചിരിക്കുന്നത്. അതേസമയം, കഴിഞ്ഞവർഷം ജനുവരി 14നായിരുന്നു ദിവ്യ ഉണ്ണിക്ക് മൂന്നാമത്തെ കുഞ്ഞു പിറന്നത്. മകളുടെ വിശേഷങ്ങൾ ദിവ്യ സമൂഹമാധ്യമങ്ങളിൽ പതിവായി പങ്കുവയ്ക്കുന്നുണ്ടായിരുന്നു. ഐശ്വര്യ എന്നാണ് മകളുടെ പേര്. ഐശ്വര്യയെ കൂടാതെ അർജുൻ, മീനാക്ഷി എന്നിങ്ങനെ രണ്ടു മക്കളും കൂടി ദിവ്യ ഉണ്ണിക്ക് ഉണ്ട്.
Read Also: ലേഡീസ് ഹോസ്റ്റലിലെ ചിരിമേളവുമായി ‘അശുഭമംഗളകാരി..’; ‘സൂപ്പർ ശരണ്യ’യിലെ ഗാനം
മലയാളം, തമിഴ്, തെലുങ്ക്, ഹിന്ദി ഭാഷകളിലായി അമ്പതോളം സിനിമകളില്‍ അഭിനയിച്ചിട്ടുള്ള താരമാണ് ദിവ്യ ഉണ്ണി. എന്റെ മാമാട്ടിക്കുട്ടിയമ്മയ്ക്ക് എന്ന ചിത്രത്തില്‍ ബാലതാരമായി അഭിനയിച്ചുകൊണ്ടായിരുന്നു മലയാള സിനിമയിലേയ്ക്കുള്ള താരത്തിന്റെ അരങ്ങേറ്റം. പ്രണയവര്‍ണ്ണങ്ങള്‍, ആകാശഗംഗ തുടങ്ങിയ ചിത്രങ്ങളിലെ താരത്തിന്റെ അഭിനയം ഏറെ ശ്രദ്ധിക്കപ്പെട്ടിരുന്നു.
Story highlights- divya unni about AMMA meating
