‘സാമി എൻ സാമി’- പുഷ്പയിലെ ഗാനത്തിന് ചുവടുവെച്ച് കുട്ടി തെന്നൽ
നിരവധി ഡബ്‍സ്‍മാഷ് വിഡിയോകളിലൂടെയും, നൃത്തത്തിലൂടെയും മലയാളികളുടെ ഇഷ്ടം കവർന്ന സോഷ്യൽ മീഡിയ താരമാണ് തെന്നൽ അഭിലാഷ് എന്ന കുട്ടി തെന്നൽ. സിനിമാ രംഗങ്ങൾ അസാധ്യ അഭിനയ പാടവത്തോടെ അവതരിപ്പിക്കുന്ന കുട്ടി തെന്നൽ സ്റ്റാർ മാജിക് ഷോയിലും അതിഥിയായി എത്തിയിരുന്നു. ഇനി വെള്ളിത്തിരയിലും വേഷമിടുന്ന തിരക്കിലാണ് ഈ കൊച്ചുമിടുക്കി.
ഒട്ടേറ നൃത്തവിഡിയോകളിലൂടെയൂം ശ്രദ്ധനേടിയ തെന്നൽ ഇപ്പോഴിതാ, മനോഹരമായ ഒരു നൃത്തവുമായി എത്തിയിരിക്കുകയാണ്. പുഷ്പ എന്ന അല്ലു അർജുൻ ചിത്രത്തിലെ സാമി സാമി എന്ന ഗാനത്തിനാണ് തെന്നൽ ചുവടുവയ്ക്കുന്നത്. മനോഹരമായ ഈ നൃത്തവിഡിയോ സമൂഹമാധ്യമങ്ങളിലും ഹിറ്റായി മാറിയിരിക്കുകയാണ്.
Read More: പ്രണയവും ത്രില്ലറും ഇടകലർത്തി ഒരുക്കിയ ‘രാധേ ശ്യാം’; ട്രെയ്‌ലർ
മുൻപ് എൻജോയ് എൻജാമി എന്ന ഗാനത്തിനും തെന്നൽ ചുവടുവെച്ചിരുന്നു. ‘വാതിക്കല് വെള്ളരിപ്രാവ്’ എന്ന ഗാനത്തിനും, കിം കിം ഗാനത്തിനും ചുവടുവെച്ച് ശ്രദ്ധ നേടിയിരുന്നു തെന്നൽ അഭിലാഷ് എന്ന കുട്ടി തെന്നൽ. ടിക് ടോക്ക് വീഡിയോകളിലൂടെ നേരത്തെ തന്നെ ശ്രദ്ധേയയാണ് ഈ മിടുക്കി. അതോടൊപ്പം, മഞ്ജു വാര്യർ നായികയായ ലളിതം സുന്ദരം എന്ന ചിത്രത്തിലൂടെ അഭിനയ രംഗത്തേക്കും ചുവടുവയ്ക്കുകയാണ് കുട്ടി തെന്നൽ.
Story highlights- thennal abilash’s saamy song dance performance
