തണുത്തുവിറച്ച പക്ഷിയ്ക്ക് പുതപ്പ് നൽകി യുവാവ്; കാരുണ്യത്തിന് കൈയടിച്ച് സോഷ്യൽ മീഡിയ
രസകരവും കൗതുകം നിറഞ്ഞതുമായ വിഡിയോകൾക്കും ചിത്രങ്ങൾക്കും സമൂഹമാധ്യമങ്ങളിൽ കാഴ്ച്ചക്കാർ ഏറെയാണ്. ചിലപ്പോഴൊക്കെ ചില കാരുണ്യം നിറഞ്ഞ വിഡിയോകളും സൈബർ മീഡിയയുടെ മനം കവരാറുണ്ട്. അത്തരത്തിൽ ഒരു വിഡിയോയാണ് ഇപ്പോൾ ഏറെ ശ്രദ്ധിക്കപ്പെടുന്നത്. തണുത്ത് വിറച്ച പക്ഷിയ്ക്ക് പുതപ്പ് നൽകുന്ന യുവാവിന്റെ ഹൃദ്യമായ വിഡിയോയാണ് കാഴ്ച്ചക്കാരുടെ മുഴുവൻ ഹൃദയം കവരുന്നത്.
കൊടും തണുപ്പിൽ തണുത്ത് വിറച്ച് മരക്കൊമ്പിൽ അഭയം പ്രാപിച്ചിരിക്കുന്ന കാക്കയ്ക്കാണ് യുവാവ് കമ്പിളി പുതപ്പിച്ച് കൊടുക്കുന്നത്. ചുറ്റും മഞ്ഞ് മൂടിയ പ്രദേശത്തിനടുത്ത് ഒരു മരക്കൊമ്പിലിരുന്ന് തീ കായുന്ന കാക്കയ്ക്കാണ് പുതപ്പുമായി യുവാവ് എത്തുന്നത്. അതേസമയം കമ്പിളി പുതപ്പിക്കുമ്പോൾ യാതൊരു എതിർപ്പും കൂടാതെ ഇരിക്കുന്ന കാക്കയുടെ ദൃശ്യങ്ങളും കാഴ്ച്ചക്കാരിൽ കൗതുകം വർധിപ്പിക്കുന്നുണ്ട്.
Read also; ‘കൊണ്ടോരാം കൊണ്ടോരാം…’ പാട്ട് വേദിയുടെ ഹൃദയം കവർന്ന് എം ജെയും മേഘ്‌നക്കുട്ടിയും, വിഡിയോ
അതേസമയം സോഷ്യൽ ഇടങ്ങളിൽ വലിയ രീതിയിൽ പ്രചാരം നേടിയ ചിത്രത്തിന് മികച്ച കമന്റുകളുമായി നിരവധിപ്പേരും എത്തുന്നുണ്ട്. മനുഷ്യത്വം മരവിച്ചിട്ടില്ല എന്ന മെസേജ് പങ്കുവയ്ക്കുന്ന ചിത്രം നിരവധിപ്പേർക്കാണ് പ്രചോദനം നൽകുന്നത്.
Read also; ‘കൺജറിംഗ്’ സിനിമയ്ക്ക് പ്രചോദനമായ പ്രേതഭവനം വിൽപ്പനയ്ക്ക്- വൻതുക മുടക്കി സ്വന്തമാക്കാൻ ആളുകൾ
This raven being covered up in a blanket by the fire.. 😊 pic.twitter.com/bu7H6vLgAb
— Buitengebieden (@buitengebieden_) January 1, 2022
Story highlights: raven being covered up in a blanket video goes viral
