മിന്നൽ മുരളിയായി വരൻ; ശ്രദ്ധനേടി ഒരു മിന്നൽ സേവ് ദി ഡേറ്റ് വിഡിയോ
കാലം മാറുമ്പോൾ കോലവും മാറും എന്ന ചൊല്ല് എല്ലാ കാര്യത്തിലും ഇന്ന് യാഥാർഥ്യമായതായി കാണാൻ സാധിക്കും. വിവാഹ ക്ഷണക്കത്തിൽ വരെ ഈ മാറ്റങ്ങൾ നമുക്ക് കാണാം. വിവാഹ ക്ഷണക്കത്തും അലങ്കാരങ്ങളും മുതൽ വധൂവരന്മാരുടെ പ്രവേശനം വരെ ആ മനോഹര ദിനം കൂടുതൽ സവിശേഷമാക്കാൻ എല്ലാം ശ്രദ്ധാപൂർവ്വം ചെയ്യുന്നവരാണ് അധികവും.
ഇപ്പോഴിതാ, രസകരമായ ഒരു സേവ് ദി ഡേറ്റ് വിഡിയോ സമൂഹമാധ്യമങ്ങളിൽ തരംഗമായി മാറിയിരിക്കുകയാണ്. മിന്നൽ മുരളി എന്ന മലയാളത്തിലെ സൂപ്പർ ഹീറോ സിനിമയിൽ നിന്ന് പ്രചോദനം ഉൾക്കൊണ്ടതാണ് ഈ വിഡിയോ.മിന്നൽ മുരളിയായി വരനും മിന്നൽ മുരളി സംരക്ഷിക്കുന്ന ആളായി വധുവും ഈ വ്യത്യസ്തമായ വിഡിയോയിൽ കാണാം.
Read More: കനാലിൽ കുടുങ്ങിയ ആനക്കൂട്ടത്തെ രക്ഷിച്ച് വനപാലകർ- വിഡിയോ
ഒരു മിന്നൽ സേവ് ദി ഡേറ്റ് എന്ന ക്യാപ്ഷനൊപ്പമാണ് ഈ വിഡിയോ തരംഗമായിരിക്കുന്നത്. ജനുവരി 23ന് നടക്കാനിരിക്കുന്ന അമലിന്റെയും അഞ്ജുവിന്റെയും വിവാഹത്തിന്റെ സേവ് ദി ഡേറ്റ് വിഡിയോയും ചിത്രങ്ങളുമാണിത്. 4.6 ലക്ഷത്തിലധികം കാഴ്ചക്കാരെ നേടി തരംഗമാകുകയാണ് വിഡിയോ. ആത്രേയ ഫോട്ടോഗ്രഫിയാണ് ഈ വേറിട്ട ആശയത്തിന് പിന്നിൽ.
Story highlights- Wedding invite inspired by superhero film Minnal Murali
