ലത മങ്കേഷ്കറിനായി കെ എസ് ചിത്രയുടെ സംഗീതാഞ്ജലി; പ്രിയഗാനം പാടി ഗായിക
ഇന്ത്യയുടെ വാനമ്പാടിയും ഇതിഹാസ ഗായികയുമായ ലതാ മങ്കേഷ്‌കർ വിടപറഞ്ഞത് സംഗീത ലോകത്ത് നികത്താനാകാത്ത നഷ്ടമായി മാറിയിരിക്കുകയാണ്. ലോകമെമ്പാടുമുള്ള സംഗീത പ്രേമികൾ ഐതിഹാസിക ഗായികയുടെ വിയോഗത്തിൽ അനുശോചനം രേഖപ്പെടുത്തുകയാണ് ഇപ്പോഴും. മലയാളത്തിന്റെ വാനമ്പാടി
കെ എസ് ചിത്ര ഇപ്പോഴിതാ, ലതാ മങ്കേഷ്‌കറിന് സംഗീതാഞ്ജലി അർപ്പിച്ചിരിക്കുകയാണ്.
എന്നും ലത മങ്കേഷ്കറിന്റെ കടുത്ത ആരാധികയായിരുന്ന കെ എസ് ചിത്ര, ‘തേരി ആങ്കോൻ കേ സിവാ’ എന്ന ഗാനം ആദരാഞ്ജലിയായി ആലപിച്ചിരിക്കുകയാണ്. ലതാ മങ്കേഷ്‌കർ തന്നെയാണ് ഇ ഗാനം ആലപിച്ചിരിക്കുന്നത്. 1969-ൽ പുറത്തിറങ്ങിയ ‘ചിരാഗ്’ എന്ന ബോളിവുഡ് ചിത്രത്തിലെ ജനപ്രിയ ഗാനമാണ് ‘തേരി ആങ്കോൻ കേ സിവാ’. സുനിൽ ദത്തും ആശാ പരേഖുമാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിച്ചത്.
Read Also: ഡൗൺ സിൻഡ്രോമിനെ തോൽപ്പിച്ചു; ഫാഷൻ ലോകത്തേക്ക് ചുവടുവെച്ച് ഒരു 22 കാരി
ലതാ മങ്കേഷ്‌കറെ നേരിട്ടറിയുന്ന കെഎസ് ചിത്ര, ഗായികയുടെ വിയോഗത്തിൽ ഹൃദയഭേദകമായ കുറിപ്പ് പങ്കുവെച്ചിരുന്നു.’ഇന്ന് ഇന്ത്യയുടെ ശബ്ദം നഷ്ടപ്പെട്ടിരിക്കുന്നു. തലമുറകളായി ഇന്ത്യൻ സംഗീതത്തെ നിർവചിച്ച ശബ്ദം. ലതാജി പതിറ്റാണ്ടുകളായി അവരുടെ ആത്മാർത്ഥമായ ശബ്ദം കൊണ്ട് നമ്മുടെ ജീവിതത്തെ സമ്പന്നമാക്കി. ആ സംഗീത പാരമ്പര്യം സമാനതകളില്ലാത്തതാണ്. ലതാജി ശാരീരികമായി നമ്മോടൊപ്പമില്ലെങ്കിലും അവരുടെ ശബ്ദം നമ്മുടെ ഹൃദയത്തിൽ നിലനിൽക്കും. സരസ്വതി അമ്മയ്ക്ക് പ്രണാമം’.
Story highlights- KS Chithra sends a musical tribute to late Lata Mangeshkar
