പൈങ്കിളിപ്പാട്ടിന് ചുവടുവെച്ച് ശില്പ ബാലയും മൃദുലയും; ഒപ്പം ഒരു കുഞ്ഞു മിടുക്കിയും- വിഡിയോ
മലയാളികളുടെ പ്രിയനടിയാണ് ശില്പ ബാല. എന്നും തനിക്ക് ചുറ്റും സൗഹൃദത്തിന്റെ ഒരു വലയം കാത്തുസൂക്ഷിക്കാറുള്ള ശിൽപ സുഹൃത്തുക്കളുടെയൊപ്പം ചിലവഴിക്കാൻ സാധിക്കുന്ന ഒരു അവസരവും പാഴാക്കാറില്ല. സിനിമയ്ക്കുള്ളിൽ തന്നെ വലിയൊരു സൗഹൃദ കൂട്ടായ്മ നടിക്കുണ്ട്. അടുത്തിടെ നടി ഭാവന, രമ്യ നമ്പീശൻ, മൃദുല മുരളി, സയനോര എന്നിവർക്കൊപ്പം ശില്പ നൃത്തം ചെയ്ത വിഡിയോ ശ്രദ്ധേയമായി മാറിയിരുന്നു. ഇപ്പോഴിതാ, പ്രണയദിനത്തോട് അനുബന്ധിച്ച് സുഹൃത്തുക്കളുടെ പ്രണയകഥ പൈങ്കിളിപ്പാട്ട് എന്ന അനിമേഷൻ വീഡിയോയുടെ രൂപത്തിൽ എത്തിച്ചിരിക്കുകയാണ്.
ശില്പയുടെയും ഭാവനയുടെയും സയനോറയുടെയും മൃദുലയുടെയുമെല്ലാം പ്രണയവും എല്ലാവരും തമ്മ്മിലുള്ള സൗഹൃദവുമെല്ലാം ഈ വിഡിയോയിലുണ്ട്. മനോഹരമായ ഒരു ഗാനവിഡിയോയാണ് പൈങ്കിളിപ്പാട്ട്. ഇപ്പോഴിതാ, പൈങ്കിളിപ്പാട്ടിന് ചുവടുവെച്ചെത്തിയിരിക്കുകയാണ് ശില്പ ബാലയും മൃദുലയും ശിൽപയുടെ മകളും. രസകരമായ ചുവടുകളുമായി ശില്പയ്ക്കും മൃദുലയ്ക്കും ഒപ്പം കുഞ്ഞു മിടുക്കിയും ഒപ്പം നിൽക്കുകയാണ്.
Read Also: ടി 20 വൈസ് ക്യാപ്റ്റനായി പന്ത്; ഭാവിതീരുമാനങ്ങളെ പറ്റി സൂചന നൽകി സെലക്ഷന്‍ പാനല്‍
അതേസമയം, സിനിമയിൽ ഭാവന, രമ്യ നമ്പീശൻ, സയനോര, മൃദുല, ശില്പ ബാല എന്നിവർക്കിടയിലെ സൗഹൃദം പ്രസിദ്ധമാണ്. വിവാഹശേഷം ബാംഗ്ലൂർ സ്ഥിരതാമസമാക്കിയ ഭാവന ഇടവേളകളിൽ നാട്ടിലേക്ക് വരുമ്പോൾ ഇവർക്കൊപ്പം ഒത്തുചേരാറുണ്ട്. വിവാഹശേഷം യുട്യൂബ് ചാനലുമായി സജീവമാണ് ശില്പ ബാല. മകളുടെയും കുടുംബത്തിന്റെയും വിശേഷങ്ങളെല്ലാം നടി പങ്കുവയ്ക്കാറുണ്ട്. അടുത്തിടെ ഫ്‌ളവേഴ്‌സ് ടി വിയിൽ സംപ്രേഷണം ചെയ്ത കോമഡി ഉത്സവത്തിൽ അവതാരകയായും ശില്പ എത്തിയിരുന്നു.
Story highlights- painkilippattu challenge
