തത്ത തട്ടിയെടുത്ത് പറന്നത് GoPro ക്യാമറയുമായി; പതിഞ്ഞത് മനോഹരമായ കാഴ്ചകൾ

രസകരമായ വിഡിയോകൾ സമൂഹമാധ്യമങ്ങളിൽ പെട്ടെന്നാണ് വൈറലാകുന്നത്. ഇപ്പോഴിതാ ഒരു തത്തയുടെ കൗതുകരമായ കാഴ്ചയാണ് ശ്രദ്ധനേടുന്നത്. ഒരു GoPro ക്യാമറ തട്ടിയെടുത്ത് പറക്കുന്ന തത്തയാണ് വിഡിയോയിൽ ഉള്ളത്. GoPro ക്യാമറകൾ ഒരു സാധാരണ ക്യാമറയിൽ ചെയ്യാൻ കഴിയാത്ത സാഹസിക വിഡിയോകൾ ചിത്രീകരിക്കാൻ ഉദ്ദേശിച്ചുള്ളതാണ്.

സ്കൂബ ഡൈവിംഗ്, സ്കൈ-ഡൈവിംഗ്, ബംഗീ ജമ്പിംഗ് എന്നിവയൊക്കെ ചെയ്യുമ്പോൾ ദൃശ്യങ്ങൾ പകർത്താനുള്ളതാണ് ഈ ക്യാമറ. ന്യൂസിലന്റിലെ ഒരു കൂട്ടം കാൽനടയാത്രക്കാരിൽ നിന്ന് GoPro ക്യാമറ തട്ടിയെടുത്ത് പറക്കുകയായിരുന്നു തത്ത. ഒട്ടേറെ ദൂരങ്ങൾ തത്ത താണ്ടിയിരുന്നു. കാൽനടയാത്രക്കാർക്ക് ഒടുവിൽ ക്യാമറ വീണ്ടെടുക്കാൻ കഴിഞ്ഞതിനാൽ ദൃശ്യങ്ങൾ ഇപ്പോൾ സമൂഹമാധ്യമങ്ങളിൽ ശ്രദ്ധനേടുകയാണ്.

Read Also: ഇന്ത്യയുടെ വാനമ്പാടി മലയാളത്തിൽ പാടിയത് ഒരേയൊരു ഗാനം മാത്രം; ഇന്നും ഉള്ളുതൊടുന്ന മധുര ഗാനമിതാണ്..

സൗത്ത് ഐലൻഡിലെ ഫിയോർഡ്‌ലാൻഡ് നാഷണൽ പാർക്കിൽ നടക്കുകയായിരുന്ന ന്യൂസിലാൻഡിലെ ഒരു കുടുംബമാണ് അപ്രതീക്ഷിതമായി പക്ഷിയുടെ തട്ടിയെടുക്കലിന് ഇരയായത്.

Story highlights- parrot steals GoPro camera from family and films its airborne escape