ദിനോസറുകളുടെ കാലം മുതലുള്ള പ്ലാറ്റിപാസുകൾ, ഭൂമിയിലെ ഏറ്റവും വ്യത്യസ്തമായ ജീവി വംശനാശഭീഷണിയിൽ
വ്യത്യസ്തതകൾ നിറഞ്ഞ നമ്മുടെ ഭൂമിയിൽ എണ്ണിയാൽ തീരാത്ത അത്രയും ജീവജാലങ്ങളുണ്ട്. ഇതിൽ പലതിനെക്കുറിച്ചും നമ്മളിൽ പലർക്കും ഇപ്പോഴും അറിവില്ല. അത്തരത്തിൽ ഒരു ജീവിയാണ് ഭൂമിയിലെതന്നെ ഏറ്റവും വ്യത്യസ്തമായ ജീവി എന്നറിയപ്പെടുന്ന പ്ലാറ്റിപസുകൾ. ദിനോസറുകളുടെ കാലം മുതൽ ഭൂമിയിൽ നിന്നും നിലനിൽക്കുന്ന ഈ ജീവിവർഗം ഓസ്‌ട്രേലിയയിലെ ടാസ്മാനിയൻ മേഖലയിലാണ് കാണപ്പെടുന്നത്. കാഴ്ചയിലും ജീവിതരീതിയിലും നിരവധി പ്രത്യേകതകൾ നിറഞ്ഞതാണ് പ്ലാറ്റിപസുകൾ.
ഒരു താറാവിന്റെ രൂപത്തോട് ഏറെ സാദൃശ്യം ഉള്ളവയാണ് പ്ലാറ്റിപാസുകൾ. എന്നാൽ ഇവ ലോകത്തിലെ തന്നെ മുട്ടയിടുന്ന അപൂർവം ചില സസ്തനികളിൽ ഒന്നാണ്. മുട്ടയിട്ട് കുട്ടികളെ വിരിയിക്കുന്ന ഇവ പാൽ നൽകിയാണ് കുഞ്ഞുങ്ങളെ വളർത്തുന്നത്. മുട്ടിയിട്ട് കുഞ്ഞുങ്ങളെ വിരിയിച്ച് പാൽ നൽകി വളർത്തുന്ന ഏക സസ്തനിയും പ്ലാറ്റിപസുകൾ ആണ്.
രൂപത്തിൽ അധികം വലിപ്പമില്ലാത്ത ഇവയുടെ ശരീരം പരന്ന് നീളത്തിലുള്ളതാണ്. അൾട്രാവയലറ്റ് പ്രകാശത്തിൽ തിളങ്ങുന്നതാണ് ഇവയുടെ ശരീരം. എന്നാൽ വലിയ വംശനാശ ഭീഷണിയുടെ വക്കിലാണ് ഈ ജീവികളിപ്പോൾ. പ്ലാസ്റ്റിക് മാലിന്യങ്ങൾ ഇവയുടെ ജീവന് വലിയ ഭീഷണിയാണ് ഉയർത്തുന്നത്. പ്ലാസ്റ്റിക് മാലിന്യങ്ങൾ ഇവയുടെ ശരീരത്തിൽ സ്പർശിച്ചാൽ അത് വലിയ കുരുക്കായി മാറാനും ഇവയുടെ ജീവനുതന്നെ ഭീഷണിയാകാനും സാധ്യതയുണ്ട്. റബർബാൻറ് പോലും ഈ ജീവികൾക്ക് ഭീഷണിയായി മാറാറുണ്ട്. കൂടുതലായും ഈ ജീവികളുടെ കഴുത്തിലോ, താടിയിലോ ആണ് ഇത്തരം മാലിന്യങ്ങൾ കുരുങ്ങാറുള്ളത്. ഇവയുടെ ശരീരപ്രകൃതി തന്നെയാണ് ഇതിന് കാരണവും. ഗവേഷകർ നടത്തിയ പഠന പ്രകാരം ഓരോ വർഷവും മെൽബൺ മേഖലയിൽ 1.2 ശതമാനം പ്ലാറ്റിപസുകൾ ഇത്തരത്തിൽ പ്ലാസ്റ്റിക് മാലിന്യം മൂലം മരണപ്പെടാറുണ്ട്.
Story highlights; the platypus australias oddity
