‘വന്ദനം മുനിനന്ദനാ ….’ – ആർദ്രമായി പാടി ഹൃദയം കവർന്ന് ദേവനന്ദ
മലയാള സംഗീത പ്രേമികളുടെ ഇഷ്ടം കവർന്ന ജനപ്രിയ പരിപാടിയാണ് ഫ്‌ളവേഴ്‌സ് ടോപ് സിംഗർ. കുഞ്ഞുഗായകർ മാറ്റുരയ്ക്കുന്ന വേദിയുടെ പ്രധാന ആകർഷണമാണ് ഗൃഹാതുരത്വമുണർത്തുന്ന ഗാനങ്ങൾ കുട്ടികൾ ആലപിക്കുന്നത്. മലയാള ഭാഷയെ പ്രോത്സാഹിപ്പിക്കുന്നതിനായി മലയാള ഗാനങ്ങൾ മാത്രമാണ് ഈ വേദിയിൽ കുട്ടികൾ അവതരിപ്പിക്കാറുള്ളത്. അതിനാൽ തന്നെ ഓർമ്മകളിൽ തങ്ങിനിൽക്കുന്ന മധുരമുള്ള പഴയ ഗാനങ്ങൾ സർഗ്ഗഗായകർ പാട്ടുവേദിയിലേക്ക് എത്തിക്കാറുണ്ട്.
ഇപ്പോഴിതാ, ഗാനവേദിയിലെ പ്രതിഭകളിൽ ഒരാളായ ദേവനന്ദ ഹൃദയംകവരുന്ന ഗാനവുമായി എത്തിയിരിക്കുകയാണ്. ‘വന്ദനം മുനിനന്ദനാ ….’ എന്ന ഗാനമാണ് ദേവനന്ദ ആലപിച്ചത്. വൈശാലി എന്ന ചിത്രത്തിലെ ഗാനമാണിത്. അതിമനോഹരമായാണ് ദേവനന്ദ ഗാനം ആലപിച്ചത്. മികച്ച അഭിപ്രായവും വിധികർത്താക്കളിൽ നിന്നും ഈ കുഞ്ഞു ഗായിക നേടി.
പാട്ടുവേദിയിലെ എം എസ് സുബ്രു എന്നാണ് ദേവനന്ദ അറിയപ്പെടുന്നത്. ആലാപനത്തിൽ എന്നും ഒരു പ്രത്യേകത നിലനിർത്തുന്ന ദേവനന്ദ കഴിവുറ്റ ഗായകരിലെ മിടുക്കിയാണ്. മിനിസ്ക്രീൻ പ്രേക്ഷകരുടെ ഇഷ്ടം നേടിയ സംഗീത റിയാലിറ്റി ഷോയാണ് ടോപ് സിംഗർ. സമൂഹമാധ്യമങ്ങളിലും ടോപ് സിംഗർ എപ്പിസോഡുകൾ ശ്രദ്ധേയമാകാറുണ്ട്. പാട്ടുവേദിയിലെ മത്സരാർത്ഥികൾക്കൊപ്പം അവരുടെ കുടുംബാംഗങ്ങൾക്കും വളരെയേറെ സ്വീകാര്യതയും പ്രാധാന്യവും വേദി നൽകാറുണ്ട്. അതുകൊണ്ടുതന്ന മനോഹരമായ ഒട്ടേറെ നിമിഷങ്ങൾ ഇങ്ങനെ ടോപ് സിംഗർ വേദിയിൽ പിറക്കാറുണ്ട്.
Read Also: കച്ചാ ബദാമിന് ശേഷം ഹിറ്റായി മുന്തിരി പാട്ട്; മണിക്കൂറുകൾക്കൊണ്ട് 25 ലക്ഷം കാഴ്ചക്കാർ, വിഡിയോ
കുട്ടികളുടെ എല്ലാ മേഖലയിലുമുള്ള കഴിവുകൾ പ്രകടിപ്പിക്കാൻ ടോപ് സിംഗറിൽ ഇപ്പോൾ സ്റ്റാർ നൈറ്റ് എന്ന ഇവന്റുമുണ്ട്. പാട്ടും നൃത്തവും അഭിനയവുമെല്ലാമായി കുട്ടി കലാപ്രതിഭകൾ പരിപാടിയിൽ സജീവമാകുകയാണ്.
Story highlights- devananda’s performance
