ചടുലമായ ചുവടുകളുമായി ദുൽഖർ സൽമാൻ; ‘അച്ചമില്ലൈ’ വിഡിയോ ഗാനം പ്രേക്ഷകരിലേക്ക്
ദുൽഖർ സൽമാൻ നായകനായ പുതിയ ചിത്രമാണ് ‘ഹേ സിനാമിക’. ചിത്രത്തിലെ ഒരു ഗാനം പുറത്തുവിട്ടിരിക്കുകയാണ് നിർമ്മാതാക്കൾ. ‘അച്ചമില്ലൈ’ എന്ന് പേരിട്ടിരിക്കുന്ന തമിഴ് ട്രാക്ക് പാടിയിരിക്കുന്നത് ദുൽഖർ സൽമാൻ ആണ്. മുൻപ് ഈ ഗാനത്തിന്റെ ലിറിക്കൽ വിഡിയോ പുറത്തുവിട്ടിരുന്നു. ഇപ്പോഴിതാ, ഗാനത്തിന്റെ വിഡിയോ പങ്കുവെച്ചിരിക്കുകയാണ്.
ഗാനരംഗത്തിനായുള്ള പരിശീലനത്തിന്റെ വിഡിയോ മുൻപ് ശ്രദ്ധനേടിയിരുന്നു. ‘ഹേയ് സിനാമിക’ സംവിധാനം ചെയ്യുന്നത് കൊറിയോഗ്രാഫർ ബൃന്ദയാണ്. ചിത്രത്തിൽ ദുൽഖറിനൊപ്പം കാജൽ അഗർവാളും, അദിതി റാവു ഹൈദരിയുമാണ് നായികമാരായി വേഷമിടുന്നത്. സിനിമയ്ക്ക് തിരക്കഥ ഒരുക്കിയിരിക്കുന്നത് മധൻ കർക്കിയാണ്. റിലയൻസ് എന്റർടൈന്മെന്റ്സ് നിർമ്മിക്കുന്ന ചിത്രത്തിന് സംഗീതം ഒരുക്കുന്നത് ഗോവിന്ദ് വസന്തയാണ്. പ്രീത ജയരാമൻ ഛായാഗ്രഹണവും നിർവഹിക്കുന്നു.
കാക്ക കാക്ക, വാരണം ആയിരം, കടൽ, പികെ,തെരി എന്നീ സൂപ്പർഹിറ്റ് ചിത്രങ്ങൾക്കൊപ്പം മലയാളത്തിൽ ബിഗ് ബ്രദർ, ആദ്യരാത്രി, അതിരൻ, മധുരരാജ തുടങ്ങിയ നിരവധി ചിത്രങ്ങൾക്ക് കൊറിയോഗ്രാഫി ഒരുക്കിയത് ബൃന്ദയാണ്. ഒട്ടേറെ ചിത്രങ്ങളാണ് ദുൽഖർ സൽമാൻ നായകനായി അണിയറയിൽ പുരോഗമിക്കുന്നത്. ദുൽഖർ സൽമാനെ നായകനാക്കി സംവിധായകൻ റോഷൻ ആൻഡ്രൂസ് സംവിധാനം ചെയ്ത ‘സല്യൂട്ട്’ ആയിരുന്നു പ്രേക്ഷകരിമേലേക്ക് എത്താൻ തയ്യാറെടുത്തിരുന്നത്.
Read Also: ‘കൂടുമ്പോൾ ഇമ്പമുള്ളത്..’- കുടുംബചിത്രം പങ്കുവെച്ച് ടൊവിനോ തോമസ്
റോഷൻ ആൻഡ്രൂസ് സംവിധാനം ചെയ്യുന്ന ചിത്രത്തിന് ജനപ്രിയ തിരക്കഥാകൃത്തുക്കളായ ബോബി-സഞ്ജയ് ആണ് തിരക്കഥ ഒരുക്കിയിരിക്കുന്നത്. ഒരു പോലീസ് ത്രില്ലറാണ്ഈ ചിത്രം. സിനിമയിൽ ദുൽഖർ സൽമാൻ എസ്‌ഐ അരവിന്ദ് കരുണാകരനെന്ന വേഷത്തിലാണ് എത്തുന്നത്.
Story highlights- Hey Sinamika Achamillai Video
