ശ്രീവല്ലി ഗാനത്തിന് മുംബൈ പോലീസ് വേർഷൻ; പോലീസ് കലാകാരന്മാരുടെ അതിശയകരമായ പ്രകടനം
അല്ലു അർജുൻ നായകനായി ഏറ്റവും ഒടുവിൽ റിലീസ് ചെയ്ത ചിത്രമാണ് പുഷ്പ. റിലീസ് ചെയ്ത് ഏതാനും മാസങ്ങൾ പിന്നിട്ടെങ്കിലും ചിത്രത്തിലെ ഗാനങ്ങളെല്ലാം ഇപ്പോഴും ശ്രദ്ധേയമാണ്. ബോളിവുഡ് സെലിബ്രിറ്റികൾ മുതൽ ക്രിക്കറ്റ് താരങ്ങൾ വരെ, എല്ലാവരും സിനിമയിലെ പാട്ടുകൾക്കായി തങ്ങളുടേതായ അനുകരണങ്ങൾ പങ്കുവെച്ചിരുന്നു.
ഇപ്പോഴിതാ, മുംബൈ പോലീസ് ബാൻഡായ കാക്കി സ്റ്റുഡിയോയും പുഷ്പയുടെ ആവേശകരമായ ഈണങ്ങൾക്കൊപ്പം ചേർന്നിരിക്കുന്നു. മുംബൈ പോലീസിന്റെ ഔദ്യോഗിക സോഷ്യൽ മീഡിയ ഹാൻഡിലിൽ അവരുടെ ബാൻഡ് കാക്കി സ്റ്റുഡിയോ പുഷ്പ എന്ന ചിത്രത്തിലെ പ്രശസ്ത ഗാനമായ ശ്രീവള്ളിയുടെ പ്രകടനം നടത്തുന്ന വിഡിയോ പങ്കുവെച്ചിരിക്കുകയാണ്.
ബാൻഡ് ഒരുക്കിയ കവർ വേർഷൻ മുംബൈ പോലീസിന്റെ യൂട്യൂബ് ചാനലിലും പോസ്റ്റ് ചെയ്തിട്ടുണ്ട്. കാക്കി സ്റ്റുഡിയോ അംഗങ്ങൾ ക്ലാരിനെറ്റ്, സാക്‌സോഫോൺ, ട്രമ്പറ്റ്, പുല്ലാങ്കുഴൽ തുടങ്ങി നിരവധി സംഗീതോപകരണങ്ങൾ വായിക്കുന്നത് കാണാം. നേരത്തെ, കാക്കി സ്റ്റുഡിയോ ലതാ മങ്കേഷ്‌കറിന്റെ ‘ഏ മേരെ വതൻ കെ ലോഗോ’യുടെയും മണി ഹീസ്റ്റ് ഗാനമായ ‘ബെല്ല ചാവോ’യുടെയും കവർ ഒരുക്കി അമ്പരപ്പിച്ചിരുന്നു.
मुंबई पोलिसांकडून आपल्यासाठी 'श्रीवल्ली'ची एक खास झलक!!
— Mumbai Police (@MumbaiPolice) March 14, 2022
मुंबई पोलिसांची सुरेल सफर कभी ‘रुकेगा नहीं’#MusicalMonday #KhakiStudio #Pushpa #MumbaiPoliceBandhttps://t.co/MhFLOTgl84
read Also: ആവേശമായി ആർആർആറിലെ പുതിയ ഗാനം
അതേസമയം, ദേവി ശ്രീപ്രസാദ് ആണ് ഗാനത്തിന് ഈണം പകർന്നിരിക്കുന്നത്. സിദ് ശ്രീറാമിന്റെ ഗംഭീരമായ ആലാപനവും ഗാനത്തിന്റെ ആകർഷണമാണ്. രശ്മിക മന്ദാനയാണ് ചിത്രത്തിൽ നായികാ കഥാപാത്രമായെത്തുന്നത്.ചിത്രത്തിൽ ഫഹദ് ഫാസിലും ഒരു സുപ്രധാന കഥാപാത്രമായെത്തുന്നുണ്ട്. രണ്ട് ഭാഗങ്ങളായാണ് ചിത്രത്തിന്റെ റിലീസ്. പുഷ്പരാജ് എന്ന കഥാപാത്രത്തെ ആണ് ചിത്രത്തിൽ അല്ലു അർജുൻ അവതരിപ്പിക്കുന്നത്. കള്ളക്കടത്തുകാരനായ പുഷ്പരാജ് ആയാണ് ചിത്രത്തിൽ അല്ലു അർജുൻ എത്തുന്നത്. സുകുമാർ ആണ് ചിത്രത്തിന്റെ സംവിധാനം നിർവഹിക്കുന്നത്.
Story highlights- Mumbai Police band plays Pushpa viral song Srivalli
