മുത്തശ്ശി പൊളിയാണ്..; ഇത് ചക്കപ്പഴം ടീമിന്റെ ‘ചാമ്പിക്കോ’ വേർഷൻ- വിഡിയോ
ചില സിനിമകൾ ശ്രദ്ധേയമാകുന്നത് അതിലെ ഡയലോഗുകൾ കൊണ്ടും രംഗങ്ങൾകൊണ്ടുമൊക്കെയാണ്. മമ്മൂട്ടിയെ നായകനാക്കി അമൽ നീരദ് സംവിധാനം ചെയ്ത ഭീഷ്മപർവ്വം ഡയലോഗുകളിലും, കഥയിലും, സ്റ്റൈലിലുമെല്ലാം പുതുമ പുലർത്തിയ ചിത്രമായിരുന്നു. ഇപ്പോൾ കേരളത്തിൽ തരംഗമാകുന്നതും ചാമ്പിക്കോ എന്ന ഡയലോഗാണ്.
ആ, ചാമ്പിക്കോ എന്ന സ്റ്റൈലിൽ സമൂഹമാധ്യമങ്ങളിൽ നിരവധി വിഡിയോകൾ എത്തുന്നുണ്ട്. ഇപ്പോഴിതാ, ഫ്ളവേഴ്സ് ചാനലിലെ ജനപ്രിയ സിറ്റ്കോം ചക്കപ്പഴം ടീമും ചാമ്പിക്കോ വേർഷനുമായി എത്തിയിരിക്കുകയാണ്. പരമ്പരയിലെ പ്രിയതാരം മുത്തശ്ശിയാണ് ചാമ്പിക്കോ എന്ന ഡയലോഗ് പറയുന്നത്. വിഷുദിന പ്രത്യേക എപ്പിസോഡിലാണ് ഈ രംഗം ഉള്ളത്.
ലോകമെമ്പാടുമുള്ള മലയാളി പ്രേക്ഷകരുടെ ഇഷ്ട വിനോദ ചാനലാണ് ഫ്ളവേഴ്സ് ടി വി. ചാനലിലെ എല്ലാ പരിപാടികളും പ്രേക്ഷകർക്ക് പ്രിയങ്കരമാണ്. ചിരിയും ചിന്തയുമായി എത്തിയ ചക്കപ്പഴമാണ്‌ ഇപ്പോൾ ഫ്ളവേഴ്സ് ടി വിയിൽ സംപ്രേഷണം ചെയ്യുന്ന ഏറ്റവും ജനപ്രിയമായ പരമ്പര. ഒരു കുടുംബത്തിലെ രസകരമായ നിമിഷങ്ങൾ പങ്കുവയ്ക്കുന്ന ചക്കപ്പഴത്തിലൂടെ അഭിനയ ലോകത്തേക്ക് നിരവധി താരങ്ങളാണ് ചുവടുവെച്ചത്.
Read aLSO:കടലിനുള്ളിൽ നീലവെളിച്ചമൊളിപ്പിച്ച് പ്യൂർട്ടോ റിക്കോ- പ്രകൃതിയുടെ അതുല്യ പ്രതിഭാസം
ഒരു കുടുംബം പോലെ തന്നെയാണ് ചക്കപ്പഴം ടീം ഷൂട്ടിങ്ങിനു ശേഷവും. മനോഹരമായ കുടുംബ നിമിഷങ്ങൾ നർമം ചാലിച്ച് അവതരിപ്പിക്കുന്ന സിറ്റ്കോം ഫ്ളവേഴ്സ് ചാനലിലെ ജനപ്രിയ പരിപാടികളിൽ ഒന്നാണ്. പൈങ്കിളിയും, ഉത്തമനും, ആശയും, കണ്ണനുമെല്ലാം പ്രേക്ഷകരുടെ ഇഷ്ട കഥാപത്രങ്ങളുമാണ്. എപ്പിസോഡിൽ മാത്രം ഒതുങ്ങുന്നതല്ല കഥാപാത്രങ്ങളായി എത്തുന്ന അഭിനേതാക്കളുടെ ആത്മബന്ധവും. ഒരു കുടുംബത്തില്‍ അരങ്ങേറുന്ന സംഭവങ്ങളെ അലങ്കാരങ്ങള്‍ക്കൊണ്ട് അപഹരിക്കാതെ നര്‍മ്മത്തില്‍ ചാലിച്ച് അവതരിപ്പിക്കുകയാണ് ചക്കപ്പഴം എന്ന പരിപാടിയില്‍.
Story highlights- chackappazham team chambikko version
