പറുദീസയ്ക്ക് ഇതിലും ക്യൂട്ട് വേർഷൻ വേറെ ഇല്ല; ബാറ്റിൽ താളംപിടിച്ച് പാടി പ്രേക്ഷകരുടെ കണ്ണൻ- വിഡിയോ
മിനിസ്ക്രീൻ പ്രേക്ഷകരുടെ പ്രിയ പരിപാടിയായി മുന്നേറുകയാണ് ഫ്‌ളവേഴ്‌സ് ടി വിയിൽ സംപ്രേഷണം ചെയ്യുന്ന ചക്കപ്പഴം. മധുരമുള്ള ഒട്ടേറെ നിമിഷങ്ങൾ സമ്മാനിച്ച് ചുരുങ്ങിയ സമയം കൊണ്ടാണ് ചക്കപ്പഴം മലയാളികളുടെ സ്വീകരണമുറികളുടെ ഇഷ്ടം നേടിയത്. ടെലിവിഷന് പുറമെ യൂട്യൂബിലും ചക്കപ്പഴത്തിന് ആരാധകർ ഏറെയാണ്. പരമ്പരയിലെ ഓരോ കഥാപാത്രങ്ങളെയും പ്രേക്ഷകർ നെഞ്ചേറ്റിക്കഴിഞ്ഞു. ഉത്തമനും, ആശയും, പൈങ്കിളിയും, സുമേഷുമെല്ലാം ജനപ്രിയ കഥാപാത്രങ്ങളാണ്. മുതിർന്ന താരങ്ങൾക്കൊപ്പം കൊച്ചുതാരങ്ങളും ഒന്നിനൊന്നു മികച്ചു നിൽക്കുന്ന ജനപ്രിയ സിറ്റ്കോമായ ചക്കപ്പഴത്തിൽ ഏറെ ആരാധകരുള്ള കുറുമ്പനാണ് കണ്ണനായി എത്തുന്ന മുഹമ്മദ് റയ്ഹാന്‍.
അഭിനയത്തിൽ എപ്പോഴും വിസ്മയിപ്പിക്കാറുള്ള മുഹമ്മദ് റയ്ഹാന്‍ ഇപ്പോഴിതാ, ഒരു ക്യൂട്ട് ഗാനവുമായി എത്തിയിരുക്കുകയാണ്. ഭീഷ്മപർവ്വം എന്ന സിനിമയിലെ പറുദീസാ എന്ന ഗാനമാണ് ഈ കുഞ്ഞു മിടുക്കൻ ആലപിക്കുന്നത്. ബാറ്റിൽ താളമൊക്കെ പിടിച്ച് വളരെ രസകരമായാണ് കണ്ണൻ പാട്ടുപാടുന്നത്.
മുഹമ്മദ് റയ്ഹാന്‍ എന്നാണ് കണ്ണന്റെ ശരിയ്ക്കുമുള്ള പേര്. വീട്ടില്‍ റയ്ഹു എന്ന് വിളിയ്ക്കുന്നു. ചക്കപ്പഴത്തിലെ കഥാപാത്രം ഹിറ്റായപ്പോള്‍ റയ്ഹു പ്രേക്ഷകര്‍ക്ക് ഏറെ പ്രിയപ്പെട്ട കണ്ണനായി. മൂന്നു വയസുകാരനായ ഈ കുറുമ്പൻ പ്രേക്ഷക ശ്രദ്ധ നേടുന്നത് അഭിനയ വൈഭവം കൊണ്ടാണ്. വളരെ വ്യക്തമായി തന്നെ ഒട്ടും കൃതൃമത്വമില്ലാതെ ഡയലോഗുകൾ അവതരിപ്പിക്കുന്ന മുഹമ്മദ് റയ്ഹാന്റെ ഓരോ എപ്പിസോഡുകളും വൈറലായി മാറാറുണ്ട്. ചക്കപ്പഴത്തിൽ ശ്രുതി രജനികാന്ത് അവതരിപ്പിക്കുന്ന പൈങ്കിളിയുടെ മകനായാണ് മുഹമ്മദ് റയ്ഹാന്‍ വേഷമിടുന്നത്.
Read Also: ഒറ്റനോട്ടത്തിൽ ആവിപാറുന്ന ഫിൽട്ടർ കോഫി; ശ്രദ്ധിച്ചുനോക്കിയാൽ മറ്റൊന്ന്- അമ്പരപ്പിച്ചൊരു ചിത്രം
ലോക്ക് ഡൗണ്‍ കാലത്ത് ടിക് ടോക്ക് വീഡിയോകളില്‍ സജീവമായിരുന്നു കുട്ടിത്താരം. ഷഹാനയുടെ സഹോദരനായ ഷമീറിനൊപ്പം മുഹമ്മദ് റയ്ഹാന്‍ ചെയ്ത ടിക് ടോക്ക് വീഡിയോകള്‍ പലതും വൈറലായി. തുടര്‍ന്നാണ് ചക്കപ്പഴത്തിനുവേണ്ടിയുള്ള ഒഡീഷനില്‍ താരം പങ്കെടുക്കുന്നത്. അങ്ങനെ മുഹമ്മദ് റയ്ഹാന്‍ എന്ന മിടുക്കന്‍ കണ്ണന്‍ എന്ന കഥാപാത്രമായി ചക്കപ്പഴത്തിലെത്തി.
Story highlights- chakkapazham fame kannan’s cute parudeesa version
