പാട്ടുവേദിയിൽ കടലക്കച്ചവടവുമായി എത്തിയ ഖാദർക്കുട്ടി- ചിരിപടർത്തി മേഘ്‌ന
മലയാള ടെലിവിഷൻ പ്രേക്ഷകരുടെ പ്രിയപ്പെട്ടവരാണ് ഫ്‌ളവേഴ്‌സ് ടോപ് സിംഗറിന്റെ കൊച്ചു താരങ്ങൾ എന്നതിൽ സംശയമില്ല. അവരുടെ ആത്മാർത്ഥമായ ആലാപനവും ഷോയിലെ മനോഹരമായ സംസാരവും എല്ലാവരും ഏറ്റെടുത്തിരുന്നു. ഈ കുഞ്ഞുഗായകർക്കെല്ലാം പ്രേക്ഷകരെ എങ്ങനെ സജീവമാക്കണമെന്ന് ധാരണയുണ്ട്. പ്രേക്ഷകർ ഏറെ ഇഷ്ടപ്പെടുന്ന മത്സരാർത്ഥികളിൽ ഒരാളാണ് മേഘ്‌ന സുമേഷ്.
കുസൃതി നിറഞ്ഞ സംസാരവും അസാധ്യമായ ആലാപനവുംകൊണ്ടാണ് മേഘ്‌ന ഹൃദയം കീഴടക്കാറുള്ളത്. ഇപ്പോഴിതാ, രസകരമായ സംസാരത്തിലൂടെ ചിരി പടർത്തുകയാണ് മേഘ്‌ന. പാട്ടിനായി പുതിയ വേഷപ്പകർച്ചയിൽ ഖാദർകുട്ടിയായി എത്തിയിരിക്കുകയാണ് മേഘ്‌ന. കടലക്കച്ചവടക്കാരന്റെ വേഷത്തിൽ എത്തിയ മേഘ്‌ന രസകരമായ സംസാരത്തിലൂടെ മനം കീഴടക്കുകയാണ്. പാട്ടിലും അതിമനോഹരമായ പ്രകടനമാണ് ഈ അനുഗ്രഹീത ഗായിക സമ്മാനിച്ചത്.
ആഘോഷവും ആരവവും ആർപ്പുവിളികളും നിറയുന്ന കുഞ്ഞു കൂട്ടുകാരുടെ പാട്ടുവേദിയിൽ കുസൃതിയും കുറുമ്പും കൊണ്ട് മനംകവർന്ന പാട്ടുകാരിയാണ് മേഘ്‌ന സുമേഷ്. ഒഡീഷൻ വേദിയിൽ നിന്ന് തന്നെ ശ്രദ്ധേയയായി പാട്ടുവേദിയുടെ ഭാഗമായ കുറുമ്പി മികച്ച ഗായികയായി ഇതിനോടകം ശ്രദ്ധനേടിക്കഴിഞ്ഞു.
Read Also: ആകാശത്ത് പ്രത്യക്ഷപ്പെട്ട വിചിത്ര മേഘക്കുഴൽ; കാരണം കണ്ടെത്തി അധികൃതർ…
മലയാളം ടെലിവിഷനിൽ ഏറെ ഇആരാധകരുള്ള പരിപാടികളിലൊന്നാണ് ഫ്‌ളവേഴ്‌സ് ടോപ് സിംഗർ. ഗായകരായ എം ജി ശ്രീകുമാർ, മധു ബാലകൃഷ്ണൻ, അനുരാധ ശ്രീറാം, സംഗീത സംവിധായകൻ എം ജയചന്ദ്രൻ, ദീപക് ദേവ് എന്നിവരാണ് ഷോയുടെ വിധികർത്താക്കൾ. മീനാക്ഷിയാണ് പരിപാടിയുടെ അവതാരക.
Story highlights- mekhna sumesh as khadarkutty
