മിയക്കുട്ടിക്കൊപ്പം നൃത്തവുമായി മീനൂട്ടിയും ശ്രേയയും- വിഡിയോ
പാട്ടിന്റെ പൊൻവസന്തം തീർക്കുന്ന ടെലിവിഷൻ പരിപാടിയാണ് ഫ്‌ളവേഴ്‌സ് ടോപ് സിംഗർ. ഒട്ടേറെ കൊച്ചുഗായകർ മാറ്റുരയ്ക്കുന്ന മത്സരവേദി അതിമനോഹരമായ നിമിഷങ്ങളിലൂടെ ശ്രദ്ധേയമാകാറുണ്ട്. ഫ്‌ളവേഴ്ജ്‌സ് ടോപ് സിംഗർ മത്സരാർത്ഥികളിൽ ശ്രദ്ധേയയാണ് മിയ മെഹക്.
ഫ്‌ളവേഴ്‌സ് ടോപ് സിംഗർ മത്സരാർത്ഥിയായ മിയ മലയാളം ടെലിവിഷൻ പ്രേക്ഷകരുടെ പ്രിയപ്പെട്ട ഗായകരിൽ ഒരാളാണ്. ഈ കൊച്ചു ഗായിക തന്റെ ആലാപന വൈദഗ്ദ്ധ്യം കൊണ്ട് ദശലക്ഷക്കണക്കിന് ഹൃദയങ്ങളെ ഇതിനോടകം കീഴടക്കി കഴിഞ്ഞു. പാട്ടിനൊപ്പം രസകരമായ സംസാരവും മിയയെ വേറിട്ട് നിർത്തുന്നു. പാട്ടുവേദിയിലെ ഏറ്റവും പ്രായംകുറഞ്ഞ മത്സരാർത്ഥികളിൽ ഒരാൾ കൂടിയാണ് മിയക്കുട്ടി. ഫോർട്ട് കൊച്ചി സ്വദേശിനിയായ മിയയ്‌ക്കൊപ്പം പാട്ടുവേദിയിൽ ചുവടുവെച്ച് എത്തിയിരിക്കുകയാണ് മീനൂട്ടിയും ശ്രേയയും.
Read Also: സ്കർട്ടണിഞ്ഞ് ന്യൂയോർക്ക് തെരുവിൽ അതിമനോഹരമായ നൃത്തവുമായി ചെറുപ്പക്കാരൻ- കൈയടി നേടിയ പ്രകടനം
മിയ പാടിയ പാട്ടിനൊപ്പമാണ് ഇരുവരും കുഞ്ഞു മിടുക്കിക്കൊപ്പം ചുവടുവയ്ക്കുന്നത്. ഈ ചെറിയ പ്രായത്തിലും പാട്ടിന്റെ മികവ് നഷ്ടമാക്കാതെയാണ് ഉച്ചാരണശുദ്ധിയോടെ മിയ പ്രേക്ഷകരിലേക്ക് എത്തിക്കുന്നു. ഓരോ പാട്ടിലും തന്റേതായ വ്യക്തിമുദ്ര പതിപ്പിക്കാറുണ്ട് ഈ മിടുക്കി. ‘ടോപ് സിംഗർ 2’-ലേക്കുള്ള പ്രവേശനത്തോടെ കുഞ്ഞു ഗായിക മിയ എസ്സ മെഹക്ക് മലയാളികൾക്ക് സ്വന്തം വീട്ടിലെ കുട്ടിയായി മാറി; വിധികർത്താവായ എംജി ശ്രീകുമാറുമായുള്ള മിയയുടെ രസകരമായ സംഭാഷണങ്ങൾ ആരാധകർക്ക് ഏറെ പ്രിയപ്പെട്ടതാണ്.
Story highlights- miah mehak, meenakashi and shreya dance performance
