‘ഞങ്ങളൊക്കെ കുറച്ചുനാളായി ഇവിടുത്തുകാരാ..’- കുട്ടിക്കുറുമ്പുകൾക്കൊപ്പം രസികൻ വിഡിയോയുമായി റിമി ടോമി
ഗായികയും നടിയും ടിവി അവതാരകയുമായ റിമി ടോമി ഒരു കംപ്ലീറ്റ് എന്റർടെയ്‌നറാണ്. രസകരമായ പോസ്റ്റുകളും വിഡിയോകളുമൊക്കെയായി സജീവമാണ് റിമി ടോമി. താരത്തിനൊപ്പം സമൂഹമാധ്യമങ്ങളിൽ സജീവമാണ് സഹോദരന്റെയും സഹോദരിയുടെയും മക്കൾ. കണ്മണിയും കുട്ടാപ്പിയുമായുള്ള രസകരമായ നിമിഷങ്ങൾ റിമി ടോമി പങ്കുവയ്ക്കാറുണ്ട്.
ഇപ്പോഴിതാ, മൂക്കില്ലാ രാജ്യത്ത് എന്ന ചിത്രത്തിലെ വളരെ രസകരമായ ഒരു രംഗം ഈ കുട്ടിപ്പടയ്‌ക്കൊപ്പം അവതരിപ്പിച്ചിരിക്കുകയാണ് റിമി ടോമി. കണ്മണിയും കുട്ടാപ്പിയും റിമിയ്ക്കൊപ്പം മത്സരിച്ച് ഈ രംഗത്ത് അഭിനയിക്കുകയാണ്.
ലാൽ ജോസ് സംവിധാനം ചെയ്ത മീശ മാധവൻ എന്ന സിനിമയിലൂടെയാണ് റിമി ടോമി പിന്നണി ഗാനരംഗത്ത് എത്തിയത്. അതിനുമുൻപ് അവതാരകയായി സജീവമായിരുന്നു. പിന്നീട് ഗായികയായും അവതാരകയായുമെല്ലാം റിമി ശ്രദ്ധനേടി. പിന്നീട് അഭിനേത്രിയായും റിമി തിളങ്ങി. ഇപ്പോൾ യുട്യൂബ് ചാനലുമായി സജീവമാണ് താരം.
Read Also: മൺപാത്രം നിർമിക്കാൻ പഠിക്കുന്ന കുഞ്ഞിപ്പൂച്ച; പതിനാല് മില്യൺ കാഴ്ചകൾ നേടിയ വിഡിയോ
ദിലീപ് നായകനായ മീശ മാധവൻ എന്ന ചിത്രത്തിലെ ‘ചിങ്ങമാസം’ എന്ന ഗാനത്തിലൂടെയാണ് റിമി ടോമി പ്രശസ്തയായത്. ‘കരളേ കരാളിന്റെ കരളേ’, ‘കൽക്കണ്ട മലയേ’ തുടങ്ങിയ ഗാനങ്ങൾ റിമിയുടെ ജനപ്രീതി വർദ്ധിപ്പിച്ചു. ‘തിങ്കൾ മുതൽ വെള്ളി വരെ’, ‘കുഞ്ഞിരാമായണം’ തുടങ്ങിയ സിനിമകളിലും റിമി ടോമി അഭിനയിച്ചിട്ടുണ്ട്.
മലയാളികളുടെ ഇഷ്ട ടെലിവിഷൻ ഷോയായ ഫ്‌ളവേഴ്‌സ് ടി വി യിൽ സംപ്രേഷണം ചെയ്യുന്ന സ്റ്റാർ മാജിക്കിൽ അതിഥിയായി സ്ഥിരം എത്താറുണ്ട് റിമി ടോമി. റിമിക്കൊപ്പം തന്നെ താരത്തിന്റെ സഹോദരിയുടെ മകൻ കുട്ടാപ്പിയും സമൂഹ മാധ്യമങ്ങളിൽ സജീവമാണ്. കൺമണി റിമിയുടെ സഹോദരൻ റിങ്കുവിന്റെയും നടി മുക്തയുടെയും മകളാണ്. കൺമണി അഭിനയലോകത്തും സജീവമാണ്.
Story highlights- rimi tomy’s funny video with kanmani and kuttappi
