‘ഇത്രയും ഊർജ്ജം ഒരു കൊച്ചുകുട്ടിയിലും കണ്ടിട്ടുണ്ടാകില്ല..’; ജുഗുനു ഗാനത്തിന് ചുവടുവെച്ച് ഒരു മിടുക്കി
വളരെ കൗതുകംനിറഞ്ഞ കാഴ്ചകളുടെ കലവറയാണ് സോഷ്യൽ മീഡിയ. രസകരവും, പൊട്ടിച്ചിരിപ്പിക്കുന്നതും ആവേശം പകരുന്നതുമായ നിരവധി കാഴ്ചകൾ ദിവസേന ആളുകളിലൂടെ കടന്നുപോകുന്നുണ്ട്. അവയിൽ ഏറ്റവുമധികം ശ്രദ്ധേയമാകുന്നതാണ് കൊച്ചുകുട്ടികളുടെ പാട്ടുകളും നൃത്തവുമെല്ലാം. മറ്റൊന്നും ചിന്തിക്കാതെ മുൻവിധികളില്ലാതെ അവർ ഉള്ളിൽ നിന്നും കലയെ അവതരിപ്പിക്കുമ്പോൾ കണികളുടെയും മനസും നിറയും. അത്തരത്തിലൊരു കാഴ്ച്ചയാണ് ഇപ്പോൾ സമൂഹമാധ്യമങ്ങളിൽ വൈറലായി മാറിയിരിക്കുന്നത്.
ബാദ്ഷായുടെ ജുഗ്നു ഗാനത്തിന് നൃത്തം ചെയ്യുന്ന ഒരു പെൺകുട്ടിയുടെ വിഡിയോ ഇപ്പോൾ വൈറലായിരിക്കുകയാണ്. വിഡിയോ കണ്ടതിന് ശേഷം, കുരുന്നിന്റെ അതിശയകരമായ പ്രകടനത്തിനായുള്ള ആവേശവും കൈയടിയും നിർത്താൻ സാധിക്കില്ല. മുംബൈ ആസ്ഥാനമായുള്ള സംഗീത നിർമ്മാതാവും ഡിജെയുമായ ഡിജെ മോണ്ടിയാണ് വിഡിയോ പങ്കുവെച്ചിരിക്കുന്നത്. ‘ഇത്രയും ഊർജ്ജം ഒരു കൊച്ചുകുട്ടിയിൽ കണ്ടിട്ടില്ല.. ‘ എന്ന അടിക്കുറിപ്പോടെയാണ് വിഡിയോ ഇൻസ്റ്റാഗ്രാമിൽ പോസ്റ്റ് ചെയ്തത്. നഴ്‌സറിയിലെ യൂണിഫോമിൽ മറ്റ് കുട്ടികൾക്കൊപ്പം ഉന്മേഷദായകമായ സംഗീതത്തിനൊത്ത് നൃത്തം ചെയ്യുകയാണ് ഒരു മിടുക്കി. സംഗീതത്തിലേക്ക് ചേക്കേറി സ്വന്തം സ്റ്റൈൽ നിറഞ്ഞ ചുവടുകളുമായി പാട്ടിനൊപ്പം ചുവടുവയ്ക്കുകയാണ് ഈ കുഞ്ഞു മിടുക്കി.
Read Also: എല്ലാ കുരുന്നുകൾക്കുംവേണ്ടി മലയാളത്തിന്റെ പ്രിയഗായിക പാടി…’ഉണ്ണി വാവാവോ…’, ഹൃദ്യം ഈ വിഡിയോ
24 ലക്ഷത്തിലധികം ആളുകളാണ് ഇതിനോടകം വിഡിയോ കണ്ടത്. പെൺകുട്ടിയുടെ അതുല്യമായ കഴിവിനെ പ്രശംസിക്കുകയാണ് കാണികൾ. ഇത്രയും ചെറിയ കുട്ടി അത്രയും ഊർജവസ്വലതയോടെ ആരെയും ശ്രദ്ധിക്കാതെ ചുവടുകൾ വയ്ക്കുന്നത് കാണുമ്പൊൾ ആരും ശ്രദ്ധിച്ചിരുന്നുപോകും. ചുവടുകൾക്കിടയിൽ ചുണ്ടിൽ പാട്ടും മൂളുന്നുണ്ട് ഈ കുഞ്ഞു താരം. ജുഗ്നു എന്ന ഗാനം ആലപിച്ചത് ബാദ്ഷായും നികിത ഗാന്ധിയും ചേർന്നാണ്. ചടുലമായ സംഗീതവും നൃത്ത ചുവടുകളുമായി എത്തിയ ഗാനം ഇൻസ്റ്റഗ്രാമിലൂടെയാണ് തരംഗം സൃഷ്ടിച്ചത്.
Story highlights- The little girl’s dance to Badshah’s Jugnu song has gone viral
